فۆتۆگرافەرەکێ کورد خەلاتێ نێڤدەولەتی وەرگرت

ئەڤرۆ نیوز، عەبدولناسر زێباری:
زمناکۆ ئیسماعیل رۆژنامەڤان و فۆتۆگرافەرێ کورد ل بیستەھەمین خەلاتێ رۆری پیک (Rory peck)ی نێڤدەوڵەتی خەلات ب دەست ڤە ئینا کۆ ساڵانە ل وەلاتێ بریتانیا ئەو خەڵات دھێت دابەش کرن .
زمناکۆی بو ئەڤرۆ گۆت : دەستپێکا کارەساتا شنگالێ من شیا ب رێیا رۆژئاڤیێ کوردستانێ کۆ 200 کیلۆمەتر ھەبوون ببڕم و خوە بگەھینمە چیایێ شنگالێ و دیۆکۆمێنتا وان ڕودانان بکەم و دیارکر ژی ئەڤ خەڵاتە ل ڤیستەڤاڵا ڕوری پیکی یا نێڤدەولەتی بوو دناڤبەرا سێ میدیاکارێن فریلانسی جیھانی بو ساڵا 2015 و ئەز وەک خۆدانێ ڤی خەڵاتی ھاتمە دەست نیشانکرن.
فۆتۆگرافەر و رۆژنامەڤانێ کورد گۆت ژی : ئێکەمین جارە کەسەکێ کورد ل سەر ئاستێ جیھانێ دناڤا وێ ڤیستەڤالێ دا ڤی خەڵاتی ب دەست ڤە بینیت و خویاژی کر ئەز نەچوومە بریتانیا ژبەرکۆ کۆنسلێ بریتانیا ل ھەولێرێ ئەگەرێ نەدانا و گیروکرنا ڤیزا من بوو و وان رێز ل وێ ڤیستەڤالێ نەگرت یا کو ئەز بانگھێشت کری .
ڤیستەڤالا رۆری پیک یا نێڤدەولەتی ل ساڵا 1995 حەتا نھا دھێتەگێران و ل باژێرێ لەندەن ب رێڤەدچیت.

کۆمێنتا تە