فۆرمات کرنا تەلەفۆنێ
سندس سالح سلێڤانەی:
فۆرمات کرنا تەلەفۆنێ کارەکێ گەلەک گرنگە کو دەمێ ئامیرێ تە گران دبیت یان کێشە تێدا پەیدا دبن، پێدڤیە مرۆڤ بزانیت چاوا ڤی کاری ئەنجام بدەت. ئەڤ راپۆرتە دێ رێنیشاندەر بیت بۆ تە دا بزانی چەوا تەلەفۆنا خوه پاقژ کەيی و ڤەگەرینیە سەر رەوشا کارخانێ.
فۆرمات کرنا تەلەفۆنێ چیە؟
فۆرمات کرن پرۆسەیەکە کو دێ هەموو زانیاری و بەرنامێن ل سەر تەلەفۆنا تە پاقژ کەت و ڤەگەرینیتە سەر رەوشا وێ یا سەرەتایی. ئەڤە هاریکارە بۆ چارەسەرکرنا گەلەک کێشان وەکو: گرانبوونا تەلەفۆنێ، پرۆگرامێن خراب، کێشێن سیستەمی، یان دەمێ تە دڤێت تەلەفۆنا خوه بفرۆشی.
بەری فۆرمات کرنێ
بەری تو تەلەفۆنا خوه فۆرمات بکەيی، پێدڤیە هندەک گاڤان ب هاڤێژی:
-1 هەموو زانیاریێن گرنگ بهێنە پاراستن (وێنە، پەیام، پەیوەندی)
-2 هژمارێن خوه (گوگل، ئەپل، سامسونگ) ژبیر نەکە
-3 کارتا بیرهاتنێ (مێمۆری کارت) دەربینە ئەگەر تە هەبیت
-4 باتریا تەلەفۆنێ بلا کێم نەبیت ژ ٥٠٪
چاوا تەلەفۆنا ئەندرۆید فۆرمات بکەین
-1 هه‌ره ناڤ “رێڤەبەریا تەلەفۆنێ” (Settings)
-2 “سیستەم” (System) هەلبژێرە
-3 “ڤەگەراندنا کارخانێ” (Factory Reset) یان “پاقژکرن” (Reset) ببینە
-4 “پاقژکرنا هەموو زانیاریان” (Erase all data) هەلبژێرە
-5 تەلەفۆن دێ داخوازا پاسوۆردی یان پینی کەت
-6 پشتراستکرنێ بدە و چاڤەرێ بکە
چاوا تەلەفۆنا ئایفۆن فۆرمات بکەین
-1 هه‌ره ناڤ “رێڤەبەری” (Settings)
-2 “گشتی” (General) هەلبژێرە
-3 بۆ خوارێ هەرە هەتا “ڤەگەراندن” (Reset) دبینی
-4 “پاقژکرنا هەموو ناڤەرۆکان و رێڤەبەریان” هەلبژێرە
-5 پاسۆردا ئەپل ئایدی خوه بنڤیسە
-6 پشتراستکرنێ بدە و چاڤەرێ بکە
پشتی فۆرمات کرنێ
پشتی فۆرمات کرنێ، تەلەفۆن دێ وەکو نوو دەست پێ کەت. پێدڤیە:
-1 زمان و وەلات هەلبژێری
-2 هەژمارێن خوه تۆمار بکەيی (گوگل، ئەپل)
-3 زانیاریێن خوه ڤەگەرینی ئەگەر تە پاراستبن
-4 پرۆگرامێن پێدڤی دانلود كه‌يى
