فیدارسیۆنا FIBA گوهۆڕین د چەند خالێن یاسایا یاریێ دا كرن
فیدراسیۆنا باسكێت بۆلا نێڤدەولەتی FIBA د نووترین بڕیار و رێنمایێن وەرزێ نوو یێ 2023ێ چەند خالێن یاسایا یاریێ گوهۆڕتینە ئەوا د دووماهی كۆمبوونا وان دا ل پایتەختێ فلپینێ مانێلا ل 28ێ نیسانا مەها بۆری یا ئەڤ سالە هاتییە كرن.
محەمەد نەبی دادڤانێ نێڤدەولەتی و كوڕێ پارێزگەها دهۆكێ بۆ رۆژنامەیا ئەڤرۆ ئەو خالێن هاتینە گوهۆڕین و دەستكاری د چەند رێنمایان دا هاتیە كرن بڤی رەنگی هنارتینە و دیار كرینە.
یا ئێكێ: لادانا خالا دویێ ژ بنەمایێ چارێ ژ 4-3 جلوبەرگ ئەوا تێدا دیاركری: نەیا دەستیردایە ل بەركرنا تیشێرتان ل بن درێسان دا سەرەرای شێواز وشێوەیێ وان.
یا دویێ: زێدەكرنا خالەكا دی ل سەر بنەمایێ چارێ ژ 4-4 كەلۆپەلێن دی: جلوبەرگێن زەندكێ و لنگی درێسێن ژ ناڤ دا و شورتێن لاستیكی یێن دروتكری ژ هندەك ماددێن پەستانكری.
یا سێیێ: گوهۆڕین ل سەر مادەیا د:5 رێزبەندیا تیمان: بۆ ئەوان قارەمانیێن پالپشتیا قۆناغان دكەن (قۆناغێن قارەمانیێ)، و ڤەگوهاستنا خشتەیێن وان بو ماددێ د:5-2 .
یا چارێ: زێدەكرنا ماددەیا د:5-2 ل سەر یاسایا دەولەتی یا باسكێت بولێ: ئەڤ گوهۆڕینە دێ هێنە ب جه، ئینان هەر ژ 1/7/2023 بۆ هەر قارەمانییەكا داهاتی.
ناڤهاتی دیار كر گوهۆڕینا خالێن یاسایی ل دووڤ كاودان و بەرژوەندییا گشتی یا وەرزشا یارییا باسكێت بۆلێ یە و ژبەركو ئەڤ یارییە یا بلەز و ل سەر دەمی و ل دووڤ پێشكەفتنا جیهانێ ژی دچیت دڤێت گوهۆڕین بهێنە پەیداكرن، بۆ دیتنا هەر نوویاتیەكێ یان یاسا و خالێن فیدارسیۆنا باسكێت بۆلا جیهانێ پەیچێ FIBA یێ فەرمی داد هێنە دیتن.
