فیدراسیۆنا تێنسا مێزێ یا كوردستانێ رێژەیا یانەیا زێدەكرن
شاهۆ فەرید:
د داخویانیەكێ دا سەرۆكێ فیدراسیۆنا تێنسا ل سەر مێزێ ل هەرێما كوردستانێ بۆ رۆژنامەیا دیار كر هەتا نوكە چ ژڤان بۆ دەستپێكرنا خولا پلا ئێكا تێنسا ل سەر مێزی نە هاتیە دەستنیشانكرن و دێ رێژەیا یانەیا هێنە زێدەكرن.
زێدەتر ئیحسان حەسەن گۆت: ب نڤیسارەكا فەرمی مە بۆ لیژنەیا ئۆلمپیا كوردستانێ هاتییە هنارتن، هەكە رازەمەندی هاتەدان دبین ل ناڤەراستا خزیرانا بهێت هەڤڕكیێن خولا نایاب بهێنە بڕێڤەبرن، سەرجەم 15 یانەیا نڤێسارێن فەرمی یێن پشكداریێ بۆ مە هنارتیە و دهێتە پێشبینیكرن باژێرێ سلێمانیێ مێڤاندارییا وێ بكەت، ئەوا دێ شێوازێ وێ دو كۆم بن و هەر كۆمەك دو یانە دێ دەربازبنە قۆناغا دووماهیێ و ڤەبڕ، بریار هاتیە دان دو یانەیان بۆ خولا پلەیا نایاب زێدەبكەین ژ هەشت یانەیا ببنە 10 یانەیان و پێشبینی دكەین هەڤڕكیێن وێ ب هێز بن ژبەركو یاریزانێن پیشەكار ژی پشكداربن، ئەڤ خولە گرێدایی فیدراسیونا كوردستانێ یە و هیچ یاریزانەكێ كورد ئەوێن بۆ یانەیەكا ئیراقێ بكەت ماف نینە پشكداربیت.
ناڤهاتی ئەوچەندە ژی گۆت: مە ل بەرە پشتی خولا پلا ئێك ئێكسەر قارەمانیێ بۆ ژیێن جودا ل پارێزگەها دهۆكێ ڤەكەرین، هەرچەندە ل وەرزێ بوری خولا نایاب ل دهۆكێ هاتبوو ئەنجامدان، دیسان دێ بزاڤێ كەین بۆ مەها ئەیلونێ خولا نایاب ل هەولێرا پایتەخت بهێتە كرن، هەكە پشتەڤانییا دارایی هەبیت دێ شێن خولێن راهێنەران و دادڤانان ژی ڤەكەین، پتر قارەمانیا بۆ ئاستێن جودا ڤەكەین پێخەمەت بەرهەمئینانا یاریزانێن خودان شیان و ئاست بلند.