فیدراسیۆنا تەپا پێی یا ئیراقێ گوهۆڕین د بەرنامەیێ وەرزێ نوو دا كرن
قەیس وەیس:
ب شێوەكێ فەرمی فیدارسیۆنا تەپا پێی یا ئیراقێ گوهۆڕن د بەرنامەیێ وەرزێ نوو یا خولا پیشەكاران دا كر پشتی د د دووماهی كۆمبوونا خوە دگەل نوونەرێن باوەرپێكری یێن یانەیێن پشكدار كۆمبووین، ئەوا ب بەرهەڤبوونا عەدنان درجال سەرۆكێ فیدارسیۆنێ و چەند ئەندامێن خوە ل باریگەهاییی فیدراسیۆنێ هاتیە ئەنجامدان.
د ڤەڕێژا بڕیارێن هاتینە دەركرن ئەو ژی، وەرزێ نوو یا خولا پیشەكاران ژ 20ێ بۆ 27 چریا ئێكێ یا بهێت هاتە پاشئێخستن ژبەر نە بەرهەڤبوونا ئەردێ چەند یارگەهان ل پایتەختێ ئیراقێ بەغدا، هەروەسان ژڤانێ ب دووماهی هاتنا ڤەگۆهاستنێن یاریزانان دێ هەتا پێنجێ هەمان مەهـ بیت، دیسان ب تنێ هەر یانەكێ مافێ هەیی 25 یاریزانان ل سەر لیستا تیما خوە زێدەبكەت، دیسان پشكدارییا تیمێن تازەپێگەهشتی، لاوان نەچارییە دڤێت پشكداربن.
ژلایەكێ دی یێ كۆمبوونێ هاتە دیار كر دڤێت هەمی چارسەرێن تیمێن پشكدار ئەوێن ناسناڤێ بزشكی یێ تیمێ هەین پشكداری خولەكا بهێزكرنێ و زانیارییان بن ئەوا دێ بۆ ماوەیێ دو رۆژان ل 11مەها بهێت دەستپێكەت، هەروەسان هندەك بڕیارێن دی گرێدایی پشكنین و بێمەیا تەندرۆستی و بادجا تایبەت یا یاریزانان، د هەمان كۆمبوونێ دا هاتییە كو پێنج یاریێن یانەیێن بەغدایی دێ ژ دەرڤەیی یاریگەها خوە بن ژبەر كارێ نووژەنكرن و سەخبیرییا یاریگەهێن پایتەختێ ئیراقێ.
عەدنان درجال سەرۆكێ فیدراسیۆنا تەپا پێی یا ئیراقێ بۆ بەرهەڤبوویان دیاركر حوكمەتا ئیراقێ دێ پشتەڤانییا دارایی بۆ هەمی یانەیێن پشكدار كەت ودۆپاتكر یانە بارێ خوە ب گرێبەستێن مەزن گران نە كەن پێخەمەت نەكەڤنە ل بن چو گڤاشتنان و ئاریشەیێن درێژ دگەل یاریزان و دیاركر هەر تشتەكێ پێدڤی بۆ سەركەفتنا خولێ دهێتە بەرهەڤكرن و رێژەیەكا گەلەك مەزن كار ب دووماهی هاتییە.
