فیستەڤالەكا بەرهەمێن خۆمالی ل دەڤەرا بەرواریان دێ هێتە گێڕان
د. عەلی تەتەر، پارێزگارێ دهۆكێ پێشوازی ل هەژمارەكا كەسایەتیێن دەڤەرا بەرواریان كر، كو ب مەرەما ئەنجامدانا فیستەڤالەكا بەرهەمێن خۆمالی ل سنوورێ ناوچەداریا كانی ماسێ سەرەدانا پارێزگارێ دهۆكێ كربوون.
ب بەرهەڤبوونا جێگرێ پارێزگارێ دهۆكێ و دەڤەردارێ ئامێدیێ، پارێزگارێ دهۆكێ گوهداریا ناڤەرۆكا بەرنامێ فیستەڤالێ كر و گۆت: «ل ژێر راسپاردا جەنابێ سەرۆك مەسعود بارزانی ئەم پشتەڤانین بۆ هەر پێنگاڤەكا ببیتە ئەگەرێ ڤەژاندنا دەڤەرێن سنووری و زێدەكرنا بەرهەمێن چاندنێ و راكێشانا گەشتیاران».
پارێزگارێ دهۆكێ دەستخۆشی ل رێكخەرێن ڤێ فیستەڤالێ كر و بەرهەڤیا كارگێریا پارێزگەها دهۆكێ بۆ پشتەڤانیا فیستەڤالا ناڤبری دۆپاتكر.
