فیستەڤالەك بۆ بەكربەگێ ئەرزی دێ هێتە گێڕان
هەرهین محەمەد:
رێڤەبەریا گشتی یا رەوشەنبیری و هونەری ل پارێزگەها دهۆكێ، ل بەرە ل هەیڤا بهێت دا فیستەڤالەكێ بۆ هەلبەستڤانێ ناڤدارێ كورد بەكر بەگێ ئەرزی ل دەڤەرا ئامێدیێ بگڕێت و بۆ دەمێ دو رۆژان دێ یا بەردەوام بیت.
حەسەن فەتاح، پەیڤدارێ رێڤەبەریا گشتی یا رەوشەنبیری و هونەری ل دهۆكێ بۆ رۆژنامەیا ئەڤرۆ دیاركر كو دوێ فیستەڤالێ دا دێ پەیكەرەك بۆ بەكر بەگێ ئەرزی هێتە دانان و دێ ژیان و بەرهەمێن وی هێنە نیشادان و ڤەكولین دێ ل سەر هەلبەستێن وی هێتەكرن، فیستەڤال بۆ دەمێ دو رۆژان دێ یا بەردەوام بیت، رۆژا ئێكێ دێ ل دەڤەرا ئامێدیێ بیت و رۆژا دویێ دێ ل گوندێ ئەرزێ بیت، جهێ ئەو لێ ژدایكبووی، بۆ زانین ناڤبری ئێك ژ هەلبەستڤانێن كلاسیكێ كوردە ، دناڤبەرا سالێن 1740-1840 ژیایە.
