فیفا بڕیارەكا توند دژی گۆلپارێزان دەركر
فدراسیۆنا فوتبۆلا نێڤدەولەتی فیفا ڕاگەهاند بۆ وەرزێ بهێت 2025-2026ی دێ بڕیارەكا نوو بەرانبەر گۆلپارێزان هەر تیمەكێ هێتە دەركرن ئەوێن هەلگرێن تەپێ و هاڤێتنا وێ گیروودكەن.
ل دووڤ راپۆرتا رۆژنامەیا سپۆرت یا ئیتالی فدراسیۆنا فیفایێ بەلاڤكریە پشتی كۆمبوونا دەستەیا گشتی ل حەفتیبا بۆری هاتیە كرن تێدا گەنگەشە ل سەر بابەتێ گیرووكرنا گۆلپارێزی دەمێ تەپێ زێدەتری شەش چركەیان دهێلیتە دەڤ خوە تایبەت دەمێ تیما وی یا سەركەفتی بیت د ئێك ژ قارەمانییان دا و گۆت: ئێك ژ گوهۆڕینێن یاسایا فوتبۆلێ بڕیار هاتیە دان هەردەمێ گۆلپارێزی تەپە بۆ زێدەتری هەشت چركەیان هێلا ددەستێ خوە دا، دادڤان دێ ب زێدەكاڤی دانیت و بڕیارێ دەتە ببیتە كۆرنەر ل سەر تیما وی گۆلپارێزی، هەروەسان دێ هێتە خواستن شاشەیێن دناڤ یاریگەهان دا كار پێ بكەن یان ژی شاشەكا بچووك بهێتە دانان بۆ هژمارتنا دەمی.
هەروەسان دیاركر بتنێ كاپتنێ تیمێ مافێ هەیی دگەل دادڤانی گەنگەشێ بكەت هەكە گیرۆبوونا گۆلپارێزی ژبەر ئەگەرەكێ ڕەوا بیت و دیاركر ل تەمووزا بهێت هندەك بڕیارێن دی هاتینە گەنگەشەكرن
