فیفا دادڤانێن عیراقی ژ مۆندیالا 2022 دوور دئێخیت
ئەڤرۆ نیوز:
لیستا دەستپێکێ یا ( فیفا ) یێ هاتە ئاشكرا کرن، چ دادڤانێن عیراقی تێدا نینن، د مۆندیالا تەپا پێ دا کو دێ ل وەلاتێ قەتەر د دەمێ 21 چریا دویێ هەتا 18 كانوونا ئێکێ 2022 برێڤە چیت.
مۆندیالا قەتەر دێ ب پشکداریا 32 هەلبژارتیێن 6 كیشوەران هێتە کرن و فیفا یێ لیستەک بانگهێشتكریە، کو ژ 35 دادڤانان پێكهاتیە، کو ب تنێ 8 دادڤانێن كیشوەرێ ئاسیا و ئەفریقا و ئۆقیانووسی بۆ پشکداریكرنێ د خۆلەکا ئامادەكاریێ دا ل هەیڤا ئادارێ دێ هێته ئەنجام دان.
لیستا دادڤانێن ئاسیا پێكهاتیە ژ محەمەد عەبدوللا یێ ئیماراتی و عەلی رەزا یێ ئیرانی و نەواف شكورللا یێ بەحرەینی و عەبدولرەحمانێ قەتەری و ئەدهەم موخادمە یێ ئوردنی و كریس بێرس یێ ئوسترالی و ساتۆ یێ ژاپۆنی و جان شو یێ چینی .
