فیفا دێ ده‌ه یانه‌یێن ئۆرۆپا ب داهاتیێ مۆندیالێ مفادار كه‌ن
ئه‌ڤرۆ،
ب دووماهی هاتنا مۆندیالا جیهانی 2022 ئه‌وا ل وه‌لاتێ قه‌ته‌ر هاتیه كرن و هه‌لبژارتیێ ئه‌رجه‌نتین بۆ جارا سێیێ د دیرۆكا خوه دا پشتی ب لێدانێن په‌نه‌لتیان سه‌ركه‌فتن ل سه‌ر هه‌لبژارتیێ فره‌نسا ئینایی ب4-2 ئه‌وا یاری ب سێ گۆلان وه‌كهه‌ڤی ب دووماهی هاتی، ئیكه‌تیا ته‌پا پێی یا جیهانی fifa راگه‌هاند دێ 209 ملیۆن دۆلاران ل سه‌ر چه‌ند یانه‌یێن جیهانێ ژوانا یێن ئۆرۆپا پارڤه‌كه‌ت ژبه‌ر پشكداریا یاریزانێن وان ل گه‌ل هه‌لبژارتیێن وه‌لاتێن خوه د مۆندیالا قه‌ته‌ر دا وه‌كو قه‌ره‌بووكرنا مانا وان یاریزانان د ده‌مێ به‌رهه‌ڤی و یاریێن قاره‌مانیێ دا، ژ وانا یانه‌یان ده‌ه مه‌زنه یێن خولێن ئۆرۆپانه ئه‌و ژی، مانچسته‌ر ستی (5.36) ملیۆن دۆلار، به‌رشه‌لۆنا(5.34 )ملیۆن، بایرن میۆنخ( 4.97) ملیۆن، مانچسته‌ر یۆنایتد(4.65) ملیۆن، پاریس سانجێرمان(4.64) ملیۆن، چێلسی(4.37) ملیۆن، ریال مه‌درید(4.29) ملیۆن، ئه‌یاكس ئه‌مستردام(3.58) ملیۆن، تۆتنهام(3.55) ملیۆن و ئه‌تله‌تیكۆ مه‌درید( 3.15) ملیۆن دۆلار.
