فیفا هزر د هەلوەشاندنا دەمێ زێدەكری یێ یاریان دا كریە
ئەڤرۆ
ئێكەتیا تەپا پێی یا نێڤدەولەتی فیفا هزر د هەلوەشاندنا دەمێ زێدەكری یێ نیڤا دویێ ژ یاریێن قارەمانی و خولان دا كریە ب مەرجەكی ئێك ژ یانەیان یا پێشكەفتی بیت ب هژمارەكا مەزن یا گۆلان.
رۆژناما دەیلی مێل یا بریتانی دیاركر ئەڤ هزرە هاتیە پشتی یاریا كلاسیكۆیا ئنگلتەرایێ دناڤبەرا لیڤەرپۆل و مانچستەر یۆنایتد ئەوا ب حەفت گۆلێن پاقژ بۆ لێڤەر ب دووماهی هاتی بوو ئەگەر سەرۆكێ لژنا دادڤانێن فیفایێ یێ ئیتالی بیێرلۆیجی كۆلینا پێشنیار كریە هەردەمێ تیمەك یا سەركەفتی بیت ب زێدەتر پێنچ گۆلان پێدڤی ناكەت دەمێ زێدەكری بهێتە بلندكرن بتنێ هەكە یاری بوو دەمەكێ درێژ بهێتە راوەستاندن ژبەر روودانەكێ.
ل وەرزێ بۆری پێشنیارەكا دی ژلایێ پسپۆرێن فیفایێ هاتبوو بەلاڤكرن كو بۆ هەر دو نیڤێن یاریێ ل جهێ 90 خولەكان ببیتە 60 خولەك ب مەرجەكی هەردەمێ تەپە ب هەر ئەگەرەكێ بهێتە راوەستاندن دێ خولەك ژی هێنە راوەستاندن هەتا یاریی بهێتە كرن وەكو سیستەمێ یاریا باسكێت بۆلێ بیت.
