فێدرێر كاروانێ خوه ب دووماهی ئینا
ئه‌ڤرۆ
ستێرێ جیهانی و یاریزانێ تێنسا ئه‌ردی یێ سویسری رۆجێر فێدرێر خودانێ 20 ناسناڤێن قاره‌مانیێن گراند سلام ئێك ژ قاره‌مانیێن مه‌زن ل سه‌ر ئاستێ جیهانێ بڕیار دا كاروانێ خوه وه‌كو یاریزان ب دووماهی بینت پشتی پشكداریێ د قاره‌مانیا كۆپا لێڤر ئه‌وا دڤێ هه‌یڤێ دا ل باژێرێ لوندن هێته ئه‌نجامدان.
فێدرێر یێ 41 سالی نامه‌كا ڤه‌كری بۆ پشته‌ڤانێن خوه د تۆیته‌كێ خوه دا به‌لاڤكریه و گۆت: لاوازیا ئاستێ من به‌لگه‌یه كو چه‌سته‌یێ من شیانێن به‌رده‌وامیا هه‌ڤڕكیا نه ماینه پشتی زێده‌تری 1500 یاریان د ماوێ 24 سالێن بوری دا، له‌ورا بۆ هه‌ر كاره‌كی سنۆر هه‌یه و من ژی سنۆره‌ك ب كاروانێ خوه دانا، ڤیانا من بۆ تێنسا ئه‌ردی كێم نابیت و دێ به‌رده‌وامبیت، بڕیاره‌كا نه‌خووشه لێ ئه‌ڤه ژیانه دێ غه‌ریبیێ گه‌له‌ك تشتابم.
بۆ زانین ڤێدرێر ل ژیێ 16 سالی وه‌كو یاریزانێ پیشه‌كار و پله‌دار هاتیه نیاسین كو ل 1998ێ ده‌ستپێكا وی بوویه، به‌ری وی ستێرا ئه‌مریكی سێرینا وێلیامز ژی بڕیارا ڤه‌ده‌رمه‌ندیا خوه دابوو.
