فێستیڤالا خانی وەستگەهەکا گرنگ یا رەوشەنبیری و گەشەپێدانێ یە
ئیبراهیم دێرگژنیکی
فێستیڤالا خانی یا سیێ ئەڤا د رۆژێن ٥ و ٦ ژ ڤێ مەهێ ب پشکداریا هژمارەکا بسپۆر و ڤەکۆلەر و میدیاکار و نڤیسەران ژ هەر چار پارچەیێن کوردستانێ ل دهۆکێ هاتیە ئەنجامدان، کوردستان و راگەهاندنا سەردەم مژارا سەرەکی یا ڤێ فێستیڤالێ یە، ئەڤە ژی بۆ گرنگییا راگەهاندنێ دزڤریت و ئەڤێ فێستیڤالێ فۆکسا خۆ دانایە سەر ڤێ پرسێ و چەندین پەنەل بۆ تەرخانکرینە، ئەڤە ژی جهێ دەستخۆشیێ یە، فێستیڤالا خانی یا بوویە وێستگەهەکا گرنگ یا رەوشەنبیریێ و گەشەپێدانێ، د ڤێ فێستیڤالێ دا؛ گرنگی ب پەیاما ڕاگەهاندنا کوردی دایە، لەوا گەلەکا گرنگە، هەلسەنگاندن ل سەر پەیاما راگەهاندنا کوردی بهێتە کرن، هەروەسا دەلیڤە و ئاستەنگێن ل بەردەم میدیا کوردی بهێنە دیارکرن، هەر کارەکێ هەلسەنگاندن و پێداچوون بۆ بهێتە کرن، دێ بیتە ئەگەر ئاستێ وی کاری بەرز ببیت، هەروەسا ژبۆ وێ ئێکێ بەر ب پەیامەکا نشتیمانی ڤە بچین، دویر ژ ململانێن حزبی و بەرتەنگ. فستیڤالێ رۆلێ ڕاگەهاندنێ د ئاڤاکرنا هشیارییا نەتەوەیی دا، ژ پەنەلێن گرنگە، پەنەلێستێن ڤی پەنەلی ژ هەر چار پارچەیانە، لەوا دڤێت راگەهاندن رۆلێ خۆ د هشیاریا نەتەوەیی دا بگێریت، ب تایبەت بۆ بەرەبابێ نوی، پرسا نەتەوەیی ژ ململانێ و هەڤرکیێن سیاسی بهێتە جوداکرن، چونکو هەر میدیا بوویە، پرسا مە یا نەتەوەیی دایە نیاسین و بەر ب پێش ڤە بریە، خالا دی میدیا سەرەدەم یان میدیا نوی یان ژی سۆشیال میدیا، ئەڤرۆ د ناڤ دەستێن هەمی کەسان دایە، جاران بەرەلایی و بێ سانسۆری پەیدا بوویە، لەوا یا گرنگ ئەڤێ فێستیڤالێ پرسا رۆلێ قانوونێ د کۆنترۆلکرنا سۆشیال میدیایا نەرێنی دا و باندۆرا سۆشیال میدیایێ ل سەر جیهانێ و ئاسۆیێن پاشەرۆژێ یێن سۆشیال میدیایێ، دیسا AI زیرەکیا دەستکرد ل جیهانێ هەمیێ بەلاڤ بوویە و زیرەکیا دەستکرد دێ ئاراستەیا میدیا سەردەم گوهۆریت، د ڤێ فێستیڤالێ دا هشیارییەک دهێتەدان بۆ وێ ئێکێ ب باشی مفا ژ AI بهێتە وەرگرتن و بێخینە د خزمەتا میدیا و جڤاكا خۆ دا و ببیتە رێکەک بۆ میدیا کوردی بەر ب گاڤێن پێش ڤە بچیت.
