فێستیڤالا دهۆكێ ب مالا خۆ دبینم
هەرهین محەمەد:
ئەكتەرا بەرنیاس (خەرمان هیرانی) د دیدارەكێ دا بۆ رۆژنامەیا بۆ ئەڤرۆ گۆت: ئەڤە بۆ دەمێ چار سالانە ئەز پشكداریێ د فلمە فێستیڤالا دهۆك یا نێڤدەولەتی دكەم و دبینم سال بۆ سالێ فلمێن جوان و باش تێدا دهێنە نیشادان و ئەڤە ژی جهێ شانازیێ یە بۆ مە كو ل كوردستانێ فێستیڤالەكا بڤی رەنگی دهێتە گێڕان و وەكو ئەكتەر پشكداری فلمێ درێژ ب ناڤێ (نیقاب) بوویمە و دوی فلمی دا من رۆلێ ژنەكا مەسیحی گێڕایە كو دناڤ كەمپەكێ دا دژیت و پاشی داعش دهێن و پتریا خەلكی ئاوارە دبن ل كەمپان دا و ل وێری هەمووئاین و نەتەوە تێكەلی ئێك دبن.
هیرانێ گۆت: ئەڤ فلمە د هەڤڕكیا فلمێن درێژدایە و ئەڤە بۆ ئێكەم جارە فلمێ (نیقاب) ل فلمە فێستیڤالا دهۆك دهێتە نیشاندان و ب ئانەهیا خۆدێ دێ پشكداری فێستیڤالێن دی ژی بیت و ل سالا 1984 پتریا هەڤالێن من یێن پەیمانگەها هونەرێن جوان خەلكی َدهۆكێ بوون، لەورا من هەڤالینیەكا باش ل گەل دەرهێنەرو ئەكتەرێن دهۆكێ هەیە و ئەز دهۆكێ فێستیڤالێ ب مالا خۆ دبینم.
