فەرزندە زۆبێر: چو دەستێن سیاسی ل پشت خونیشادەران نینە
ئەڤرۆ نيوز:
فەرزندە زوبێر زێباری ئەندامێ جڤاتا نوونەرێن عیراقێ بۆ روژناما ئەڤرۆ دیارکر، رەوشا عیراقێ ب شێوەکێ گشتی یا خراب بووی، و لڤینێن خوە نیشادەران د بەردەوامن و چو داھاتەکێ باش ژی دیارنینە،
ھەروەسا فەرزندەی گۆت ژ بۆ خرابیا خزمەتگوزاریا ل پارێزگەھێن عیراقی چو بوو ناھێتە گۆتن، چونکو چو خزمەت بۆ وان نەھاتیەکرن، لەوما گەھشتە وی رادەی کو ئێدی خەلکێ عیراقێ خوە نەراگریت، سەرەرای ڤێ چەندێ ئیرانێ ژی کارەبا خوە ل باشوری قوتکر، چونکو ئیران یا دبێژیت دورپێچا ئەمریکا ژ ھەمو لایەکی ڤە یا ل سەر مە و ئەم نەشێین کارەبێ بۆ عیراقێ دابین بکەین، ئەڤێ چەندێ ژی بارێ عیراقێ گرنتر لێ کر، ھەرچەندە ئیران ژی دێ ل ڤێ چەندێ زیاندار بیت، ژ بەر کو رێژەیا زورینەیا دەستھەلاتا حکومەتا عیراقێ شیعەنە، ئەڤ ھەردوو ئەگەرە بوونە سەدەم کو خەلک دەست ب خو نیشاندانێ بکەت.
ئەندامێ جڤاتا نوونەرێن عیراقێ خوەیاکر، کو خەلکێ عیراقێ چو باوەری ب سیستەمێ رێڤەبرنێ ل عیراقێ دا نەمایە، مەرەم ژ ڤێ خو نیشاندانێ ژی تنێ نەبوونا خزمەت گوزاری یە و خونیشاندەرا چو دروشمەکێ سیاسی ژی ھەلناگرن، تنێ دبێژن حکومەتەکا گەندەلە و مە باوەری پێ نەمایە، چو لڤینەکا سیاسی ل پشت خوە نیشاندەرا نینە ب تنێ ژبەر کێمیا خزمەتگوزایایە خەلک نەچارکریە.
فەرزندەی ئەو ئاماژە دا وێ چەندێ کو ھەر دەست پێکا ھاتنا ڤێ کابینا حکومەتا عیراقێ ھەتا نھا حکومەتا عیراقێ نەشیا بخوە رێیەکێ دروست بکەت، کو بشێت بخوە تشتەکێ بکەت، ئەو رەگەزێن حکومەتێ ب رێڤە دبەن د نەتەوەی نینە، و باوەری ب ئێک و دوو نینە، ب ڤی شێوەی حکومەتا عیراقێ نەنشێت چو پێنگاڤێن باش ژی ب ھاڤێژیت کو رەوش باشتر لێ بھێت و خزمەتگوزاریا بۆ خەلکی دابین بکەت.
