فەرمانبەر دژی دەستنیشانكرنا جهێ پارچەیێن ئەردینە ل قەسرۆكێ
شێخان، بارزان مزووری:
دوهی 11/8/2025 فەرمانبەر و پێشمەرگەیێن دەڤەرا قەسرۆكێ خرڤەبوونەكا نەرازیبوونێ ل دژی وی جهێ ل وێ ناوچەداریێ هاتیە دەستنیشانكرن بۆ بەلاڤكرنا پارچەیێن ئەردی ل سەر فەرمانبەران ئەنجام دا و دبێژن: ئەو جهێ هاتیە دەستنیشانكرن، سنۆرێ گوندەكی یە 10 كیلۆمەتران ژ سەنتەرێ ناوچەداریا قەسرۆكێ دوورە.
خوشەڤی عەبدولرەحمان، نوونەرێ مامۆستایان ل قەسرۆكێ بۆ رۆژناما ئەڤرۆ دیاركر، ئەو نەد رازینە ل سەر وی جهێ هاتیە دەستنیشانكرن بۆ دانا پارچەیێن ئەردی بۆ فەرمانبەران و گۆت: «ئەم داخوازیا خۆ دگەهینینە جهێن شولەژێ، كو پارچەیێن ئەردی ل وی جهێ هاتیە دەستنیشانكرن، نەهێنە بەلاڤكرن و جهەكێ باشتر و نێزیكتر بهێتە دەستنیشانكرن».
