فەرماندەکێ ئیرانی ب کۆرۆنایێ وەغەر کر
ئەڤرۆ نیۆز:
لدووڤ پێزانینێن دەزگەھێن ڕاگەھاندنا وەلاتێ ئیرانێ، فەرماندێ لەشکرێ ئیرانێ و سەرکردێ پاسدارێن ئیرانێ کو ھەڤالەکێ گەلەک نێزیکی قاسم سلێمانیێ بوو، لیوا ئەستوار مەحمەد ئابادی ب ئەگەرێ ڤایرۆسێ کۆرۆنایێ گیانێ خۆ ژ دەستدا.
ئاژانسا تەسنیم یا ئیرانێ راگەھاند، لیوا عەبد رەوسول ئاستوار ئابادی پشتی شەڕێ ل گەل ئیراقێ تووشی ئێشەکا دومدرێژ ب ئەگەرێ چەکێ کیمیاوی ل ھەناسێ ببوو، دوھی ئێڤارێ ب سەدەما ئێشا کۆرۆنایێ گیانێ خۆ ژدەستدا.
ئاژانسا ناڤھاتی ئاشکراکر، فەرماندێ لەشکرێ پاسدارێن ئیرانێ ل سالا ٢٠١٥ ملبملێ فەرماندێ فەلیقا قودس قاسم سلێمانی و ب ھاریکاریا حسێن ھەمدانی پشکداری د شەڕێ باژێرێ حەلەبێ دا ژی کریە ل وەلاتێ سووریێ.
لیوا عەبد رەسول ئابادی فەرماندێ لیوا ١٩ یا فەجر و لیوا ٣٥ یا ئیمام عەلی بوو ل سەر دەمێ شەڕێ د ناڤبەرا ئیراقێ و ئیرانێ دا ل بەرۆکێن شەرێ ژێریا ئیراقێ