فەرماندە مەنسور بارزانی ب نوونەراتیا سەرۆك بارزانی پشكداری د جەژنا جەمایـێ دا كـر
فەرماندە مەنسور بارزانی، ب نوونەرایەتیا سەرۆك مەسعود بارزانی و ب هەڤالینیا سەربەست لەزگین، ئەندامێ مەكتەبا سیاسی و بەرپرسێ مەكتەبا رێكخستنا پارتی ل پارێزگەها دهـۆكێ دوهی 9/10/2024 پشكداری د رێورەسمێن جەژنا جەمایێ یا خووشك و برایێن ئێزدی دا ل پەرستگەها لالشێ كر.
د ڤێ رێورەسمێ دا نوونەرێ سەرۆك بارزانی و بەرپرسێ مەكتەبا رێكخستنا دهۆكێ ئەڤ جەژنە ل هەمی خووشك و برایێن ئێزدی پیرۆز كر و هیڤی خواستن، ئەڤ چەژنە ببیتە فاكتەرەك بۆ پتر خوڕتكرنا گیانێ برایەتیێ و لێبۆرینێ و پێكڤەژیانێ، دیسا هـیڤی خواستن، كو خووشك و برایێن ئێزدی هەرسال د ڤی كەشێ ئارام دا ڤێ جەژنێ بگێڕن و ئەڤ جەژنە ببیتە ئەگەرێ ب دوماهی هاتنا هەمی ئێش و ئازاران بۆ كوردێن ئێزدی.
