فەرید رەعدی ئێك ژ باشترین یاریزانێن خولا ئیراقێ یە
د دیدارەكا كورت دا فەرید رەعد كوڕێ باژێرێ دهۆكێ و یاریزانێ تیما باسكێت بۆلا یانەیا دیفاع ئەلجەوی كەیفخوەشیا خوە دیار كر بۆ وەرزێ ئەڤ سالە شیایە دگەل تیما خوە یا بەغدایی ناسناڤێ خولا پلا نایابا ئیراقێ ب دستڤە بینت و ببیتە ئێك ژ باشترین یاریزان و تۆماركەرێن تیما خوە د خولێ دا.
ناڤهاتی بۆ رۆژنامەیا ئەڤرۆ گۆت: دەستڤە ئینانا ناسناڤێ ئەڤ سالە یێ خولا ئیراقێ پشتی هەڤڕكیەكا دژوار و زەحمەت هات و پێخوەشحالم وەكو كوردەك دگەل هەڤالێ خوە محەمەد عەبدولخالق بشێن ناسناڤێ ئەڤ سالە دگەل یانەیا خوە دیفاع ئەلجەوی یا بەغدایی ب دەستڤە بینن و هێشت كەیفخوەشتر بوویمە كو بوویمە ئێك ژ وان یاریزانێن كاریگەر شیابوون رێژەكا مەزن یا خالان د خولێ دا بینت و تیما خوە بەر ب سەركەفتن و دەستڤە ئینانا ناسناڤی ببەت، سەرباری هێز و هەڤڕكیا خولێ یا بەردەوام دناڤبەرا یانەیێن شورتە، نەفت حەشد و یانەیا مە دا لێ ب خوەشحالی ڤە ئەم شیاین ب گەهینە سەرێ لیستێ و ناسناڤی ب دەستڤە بینن.
فەرید رەعدی ئەوچەندە ژی دیار كر بۆ وەرزێ بهێت هێشتا چو بڕیار نە داینە لێ كارگێریا یانەیا بەغدایی رژدە ل سەر مانا وی و ئەز ب خوە ژی حەز دكەم بمینم ژبەركو مە پشكداریەكا مەزن یا عەربی یا هەیی زێدەباری هەبوونا پشكداریەكا دی یا كێشوەرێ ئاسیا ل سەر ئاستێ یانەیان و ئەڤە ژی بۆ من دەلیڤەیە ل سەر ئاستێ ئاسیا ئاست و شیانێن خوە نیشان بدەم و ببیتە دیرۆكەكا گەش د كاروانێ من یێ وەرزشی دا، لەوما دێ بۆ داهاتی چاڤەڕێ بم ل دووڤ كاودانێن دهێنە روودان پاشان دێ بڕیارێ دەم.
