فەستیڤالا ئاكرێ دیرۆك و جوانی – 3 هاتە گێڕان
ئاكرێ، رەمەزان زەكەریا:
ب پشتەڤانیا د. عەلی تەتەر، پارێزگەرێ دهۆكێ، رێڤەبەریا گشتی یا رەوشەنبیری و هونەری ل دهۆكێ، رێڤەبەریا رەوشەنبیری و هونەری ل ئاكرێ، دوهی 9/9/2024 فەستیڤالا ئاكرێ دیرۆك و جوانی یا سێیێ گێڕا.
ل دەستپێكێ پێشانگەهەكا وێنەیێن كەڤنێن ئاكرێ، پێشانگەهەكا وێنەیێن شوونواری، رێڤەبەریا شوونوارێن ئاكرێ و پێشانگەهەكا وێنەیێن سروشتێ ئاكرێ، پێشانگەهەكا كەڤالێن شێوەكاری هاتنە نیشادان.
د دووڤ دا پەیڤا د. دلاوەر بۆزۆ، دەڤەردارێ ئاكرێ و پەیڤا رێڤەبەریا گشتی یا رەوشەنبیری و هونەری ل دهۆكێ هاتنە خواندن، پاشی چەندین ستران ژ لایێ پەروان شاكر هاتنە گۆتن.
د دووڤ دا فلمەكێ دكیۆمەنتاری ل دۆر نەورۆزا ئاكرێ هاتە نیشادان، پاشی هەژمارەكا سمیناران ل دۆر دیرۆك و شوونوار و گەشەپێدانا گەشتوگوزارێ ل ئاكرێ و رۆلێ رەوشەنبیری د بابەتێن گەشتیاری دا هاتنە پێشكێشكرن.
