فەستیڤالا (سینەما د دیتنا ژنان) دا ل هەولێرێ دێ هێتە گێڕان
زنار تۆڤی:
ل ژێر دروشمێ (ژن پاشەرۆژێ ئاڤا دكەن) گەڕا پێنجێ یا فەستیڤالا(سینەما د دیتنا ژنان) ل هەولێرێ دێ هێتە گێڕان و فلمێن دهێنە نیشادان ژ هەرچار پارچەیێن كوردستانێ د پشكدارن و هژمارەكا سینەماكار و فلمسازان بۆ فەستیڤالێ هاتینە داخوازكرن.
ستار چەمەنی گۆل، ژ دەستەیا وێ فەستیڤالی دیاركر كو ل رۆژا (16) هەیڤا خزیرانێ فەستیڤال دێ دەستپێكەت و بۆ دەمێ سێ رۆژان دێ یا بەردەوام بیت و چالاكی ل سینەما ئیمپاپەر دێ هێنە نیشادان و كۆمپانیا (ستاك فلم) ل بریتانیا بەرپرسا وەرگرتنا فلمانە و هەر خانمەكا دەرهێنەر فلمەكێ درێژ یان كورتە فلمەك هەبیت دشێت هەتا ڤێ (20) ڤێ هەیڤێ بگەهینیت، ئەو ژی ل دووف هندەك مەرجان، یێ ئێكێ دڤێت ئەو فلم د سالا 2022 و سەردا هاتبیتە چێكرن، هەروەسا پشكداری د چو فەستیڤالان دا نەهاتبیتە نیشادان، هەروەسا دسۆسیال مەدیایێ ژی دا نەبیت و هاندانا تۆند و تیژیێ نەكەت، هەروەسا ژ دابونەریتان لانەدەت، دیسان سیناریۆ و نڤیسین ژی ژن بن و هەكە دەرهێنەران وان فلمان زەلام ژی بن دشێن پشكدارببن.
