فەستیڤالا شانۆیێ یا ئامەدێ دێ هێتە گێڕان
زنار تۆڤی
پشكا هونەر و شانۆیێ ل باژێرڤانیا ئامەدێ، گەڕا 11 یا فەستیڤالا ئێكێ یا نێڤدەولەتییا شانۆیا ئامەدێ، ل بن درووشمێ (دیالۆگ بۆ ئاشتیێ) رێكخست و ل (22) ی، ڤێ هەیڤێ دێ دەستپێكەت و هەتا (2) ی، هەیڤا بهێت دێ یا بەردەوام دەبیت، د گرۆپێن شانۆیێ ژ (19) وەلاتان دێ پشكدار بن و (21) شانۆگەری دێ هێنە پێشكێشكرن
پەروین ئەمەكتار، رێكخەرا وێ فەستیڤالێ دیاركر، پشتی دەم پارتی د هەلبژارتنێن ئادارا (2024) دا ب سەركەفتی، فیستیڤالا 11 ژلایێ باژێرڤانیێ ڤە دێ هێتە گێران، مە درووشمێ ‘دیالۆگ بۆ ئاشتیێ’ هەلبژارت، داكو د ڤێ رەوشا ئالۆز دا، ئەزموونێن خۆ ل گەل ئێكدو هەڤپشك بكەین و مفایی ژ رۆلێ هونەری وەربگرین بۆ ئاشتی و دیالۆگێ و دەستپێكا فیستیڤالێ دێ ب شانۆگەریا (مۆراشین) یا باژێرڤانیا مەزنا ئامەدێ بیت، ئەڤ شانۆگەریە ژلایێ قوتبەدین سادقی هاتیە نڤێسین و (50) ئەكتەر دێ پشكداریێ تێداكەن، ئەو شانۆگەریە بەحسێ میتۆلۆژیا كوردی دكەت و ئێكەم جارە میتۆلۆژیا كوردی ب ڤی رەنگی دهێتە نیشادان، ب زمانێن كوردی، توركی و ئینگلیزی دێ هێنە پێشكێشكرن، ئەڤ كارە ب هەڤكاریا پەیمانگەها نێڤدەولەتیا شانۆ دێ هێنە ئەنجامدان و ب رێیا هونەری ل گەل هەموو گەلان دێ كۆمبین و دێ دەرفەتەكێ بۆ دیالۆگێ دروست كەین.
