فەستیڤالا پتاتان ل دهۆكێ دێ هێتە سازكرن
دهۆك، لەزگین جۆقی:
رێڤەبەریا گشتی یا چاندنێ ل پارێزگەها دهۆكێ راگەهاند، ل ژێر چاڤدێریا د. عەلی تەتەر، پارێزگارێ دهۆكێ، زانكۆیا دهۆك ب هەڤپشكی ل گەل رێڤەبەریا گشتی یا چاندنێ ل پارێزگەها دهۆكێ و ب پشتەڤانیا قونسلخانەیا گشتی یا هۆلەندا ل هەولێرێ، بڕیارە ئێكەم فەستیڤالا بەرهەمێ پتاتان رۆژا سێشەمبی رێكەفتی 15/12/2025 و ل دەمژمێر 11ی سپێدێ ل پاركا برەخ دهۆك موڵ ڤە بهێتە سازكرن و هەتا 17/12/2025 دێ یا بەردەوامبیت.
ئەحمەد جەمیل، رێڤەبەرێ گشتیێ چاندنێ ل پارێزگەها دهۆكێ بۆ ئەڤرۆ گۆت: «د ڤێ فەستیڤالێ دا جۆرێن بەرهەمێ پتاتان و خوارنێن ژ ڤی بەرهەمی دهێنە دروستكرن و چەندین بەرهەمێن دی یێن خۆمالی دێ هێنە نیشادان و فرۆتن، ئارمانج ژێ ناساندنا جۆرێن پتاتان و ل گەل نیشادانا نووترین تەكنۆلۆژیا رێكێن سەردەمیانە یێن چاندنا بەرهەمێ پتاتان، دیسا پەیداكرنا بازاریە بۆ بەرهەمی ناڤخۆ».
