فەلەستین ژ هەلوەستێ ئیرانێ دلگرانە
مەحمود عەباس سەرۆکێ دەستهەلاتا فەلەستینێ راگەهاند، داخۆیانیێن ڤێ دووماهیێ یێ رێبەرێ شورەشا ئیسلامی یا ئیرانێ د جهێ خوە دا نینە و ئیرانێ دڤێت ژ بۆ بەرژەوەندیێن خوە خەلکێ فەلەستینێ بکەتە قوربانی، ب سالانە بەرپرسێن ئیرانێ خەلکێ فەلەستینێ بۆ بەرژەوەندیێن خوە بکار دئینن و ئێدی ئەو یەک ب چو رەنگەکێ ناهێتە قەبوول کرن.
ناڤهاتی داخواز ژ ئیرانێ کر، کو نەبیتە ئاستەنگ ل هەمبەر ئاگربەستێ و چارەسەرکرنا پرسێن هەی ل گەل ئسرائیلێ، چونکی خەلکێ فەلەستینێ دخوازن ئێدی ب ئارامی بژین.
ئەو یەک د دەمەکێ دایە کو بەری چەند رۆژان عەلی خامنەیی رێبەرێ شورەشا ئیسلامی یا ئیرانێ دیار کربوو ئێرشا حەماسی ل دژی ئسرائیلێ د دەمەکێ گونجای دا بوو، چونکی ئسرائیلێ دڤیا ب رێیا ئاشتیێ ل گەل چەند وەلاتێن عەرەبی زیانێن مەزن بگەهینتە فەلەستینێ و وەلاتێن دی یێن ئیسلامی ل رۆژهەلاتا ناڤین.
