قاره‌مانیا باسكتبولا زانكویێن كوردستانێ بۆ حه‌فتیه‌كێ هاته پاشئێخستن
ئه‌ڤرۆ نیوز، عه‌لی حاجی :
راگرێ ڤه‌كولتیا په‌روه‌رده ل زانكویا زاخۆ د داخویانیه‌كێ دا بۆ ئه‌ڤرۆ نیوز دیار كر ل سه‌ر داخوازیا زانكویێن پشكدار د قاره‌مانیا باسكت بولێ دا ل سه‌ر ئاستێ زانكویێن كوردستانێ قاره‌مانی بۆ ماوه‌یێ حه‌فتیه‌كێ هاته پاش ئێخستن .
زێده‌تر دكتور شێرزاد زه‌كه‌ریا گوت: (بریار بوو ل رێكه‌ڤتی 24/2/2020 قاره‌مانیا زانكویێن كوردستانیچ یا باسكت بولێ ل زانكویا زاخۆ هاتبایه ئه‌نجام دان به‌لێ ژبه‌ر تێكچوونا ره‌وشا كه‌ش و هه‌وایی ل زانكویێ و بارینا به‌فره‌كا زور و ل دویڤ داخازیا زانكویێن پشكدار د قاره‌مانیێ دا ژڤانێ ئه‌نجام دانا قاره‌مانیێ هاته پاشئێخستن بۆ روژا ئێك شه‌مبیا داهاتی بۆ وێ یه‌كێ دا كو زێده‌تر تیمیچن پشكدار بشێن تیمێن خوه به‌رهه‌ڤ بكه‌ن بۆ قاره‌مانیێ ژبه‌ر كو ئارمانجا سه‌رركی ژ ڤه‌كرنا ڤێ قاره‌مانیێ خورتكرنا په‌یوه‌ندیایه دناڤبه‌را زانكویێن كوردستانێ دا و بلند كرنا ئاستێ ڤێ یاریێ یه د ناڤ زانكویان دا) .
و گوت ژی پێنچ زانكویێن كوردستانێ هه‌تا نوكه به‌رهه‌ڤیا خوه دیار كرینه پشكداری قاره‌مانیێ ببن و ژ روویێ به‌رهه‌ڤیێن قاره‌مانیێ ڤه هه‌می تشته‌ك به‌رهه‌ڤه و هه‌می ئاماده‌كاری ژی ب شێوه‌یه‌كێ باش هاتینه ئه‌نجام دان دا كو ئه‌م بشێن ب شێوه‌یه‌كی سه‌ركه‌ڤتی بۆ سالا چارێ ل دویڤ ئێك مێهڤانداریكرنا قاره‌مانیێ ب سه‌ركه‌ڤتی ئه‌نجام بده‌ین .
