قاره‌مانییا 16ی ته‌پاخێ ل ده‌ڤه‌را ئامێدیێ ب دووماهی هات
ب پشكدارییا 40 تیمێن مللی یێن سنۆرێ ده‌ڤه‌را ئامێدیێ قاره‌مانییا 16 ته‌پاخێ یا ته‌پا پێی یا بچووكری ب دووماهی هات ئه‌وا ژ لایێ ناڤەندا بالا ئامێدیێ یا ئێکەتیا لاوێن دیموکراتا کوردستانێ هه‌ماهنگی دگه‌ل له‌قا هه‌ژده یا پارتی دیموكراتی كوردستان هاتییه رێكخستن، د یارییا دووماهیێ دا تیما لاوێن گۆلدن ژ شێلادزێ ناسناڤێ قاره‌مانیێ ب ده‌ستڤه ئینا پشتی ب سه‌ركه‌فتی ل سه‌ر تیما ستێر ژ بامه‌رنێ ب گۆله‌كێ بێ به‌رانبه‌ر.
ئه‌ڤ قاره‌مانییه ب چاڤدێری و بەرهەڤبوونا بەرەڤان حەمدی بەرپرسێ لقێ ١٨ یێ پارتی و وارشین سەلمان دەڤەردارێ ئامێدیێ و هژمارەکا بەرپرسێن میری و حزبی و وەرزشڤانێن دەڤەرێ هاتە ئەنجامدان، بەرپرسێ لقێ د پەیڤەکێدا دەستخوەشی ل رێکخەرێن قارەمانیێ و تیمێن پشکدار کرن، پیروزباهی ل سەرکەفتیان کرن و هیڤیا بەختەکێ باشتر ل قارەمانیێن داهاتی بو تیمێن دیتر خواست، ناڤهاتی پشتەڤانیا خوە بۆ لاوان و وەرزشێ و وەرزشڤانان نیشاندا و بەرهەڤیا خوە و لقێ ١٨ نیشاندا بۆ هەر کار و خزمەتەکێ.
