قارەمانا ئۆرۆپا د ئەركەكێ ب زەحمەت دایە و رۆنالدۆی چاڤ ل ڕیكۆردەكا نوو یە
چاڤەڕێ دهێتە كرن ئەڤرۆ ژی ل سەر ئاستێ جیهانێ كۆمەكا دی یا یاریێن ئاگرین و ب هێز یێن یارییا فوتبۆلێ بهێنە ئەنجامدان، ژ چارچووڤەیێ ڤاڤارتنێن كێشوەرێن، ئەفریقیا و ئۆرۆپا بۆ مۆندیالا جیهانی 2026ێ، دیسان كۆپایێن ئەفریقیا، ئۆرۆپا ل سەرانسەری پرانییا وەلاتێن جیهانێ بڤی شێوەیی هێنە كرن.
گرنگترین یاریێن كێشوەرێ ئۆرۆپا.
بڕیارە ئەڤرۆ ل دەمژمێر 10:45 شەڤێ دا نەهـ یاری ل یاریگەهێن جودا بهێنە ئەنجامدان، یارییا پۆرتۆگال و كرواتیا ئێك ژ گرنگترین هەڤڕكیێن ئەڤرۆ نە، هەلبژارتیێ پۆرتۆگال ب سەركێشییا كرێستیانو رۆنالدۆ دەربازبوونا خوە بۆ چارێك دووماهیی ڤاڤارتنان مسۆگەر كرییە ئەوا ب 13 خالان سەرێ لیستا كۆما ئێكێ دهێت، دبەرانبەردا كرواتییا پێدڤی ب سەركەفتنێ یان وەكهەڤیێ یە هەتا دەربازبوونێ مسۆگەر بكەت وەكو تیما دویێ یا كۆمێ، ژبەركو حەفت خال هەنە، یارییا دویێ یا ڤێ كۆمێ ئسكوتلەندا و پۆلەندا هەردو خودان چار خالان، سەركەفتیێ وان دێ دەربازبیتە قۆناغا دویێ یا مانا د هەڤڕكیان دا یان دوورئێخستن.
قارەمانا وەرزێ بۆری بۆ پاراستنا سەرێ لیستێ یە
ژلایێ خوەڤە هەلبژارتیێ ئسپانیا قارەمانا وەرزێ پێشتر یا قارەمانییا نەتەوەیێن ئۆرۆپا دێ ل یاریگەها خوە مێڤاندارییا سویسرا كەت، ئسپانیا دەربازبوونا خوە مسۆگەر كرییە ب13 خالان سەرێ لیستێ دهێت، سویسرا بتنێ دو خال هەنە رێزا دووماهیێ و ئۆمێدەكا بچووك مایە، دڤێت ب سەركەڤیت و تیما سێیێ سربیا خودانا پێنج خالان تووشی خوسارەتیەكا مەزن بیت زێدەتری چار گۆلان بەرانبەر دانیمارك ئەوا رێزا دویێ دهێت ب حەفت خالان.
ژ یاریێن دی یێن كێشوەرێ ئۆرۆپا، بولگاریا- بیلارۆسیا، لۆكسمبۆرگ- ئیرلەندا باكۆر، لیشتنشتاین- سان مارینو، رۆمانیا- قوبرس، كۆسۆفۆ- لیتۆانیا.
ژ گرنگترین یاریێن ڤاڤارتنێن كێشوەرێ ئەفریقیا و دەربازبوون كۆپا مەغرب 2025ێ.
نێجیریا- رۆاندا ل دەمژمێر حەفتی شەڤ.
لیبیا- بەنین دەمژمێر حەفتی شەڤ.
غانا- نایجیر دەمژمێر حەفتی شەڤ.
مەغرب- لیسۆزۆ، 10ی شەڤ.
تۆنس- غامبیا، 10ی شەڤ.
ئەفریقیا ناڤەڕاست- جابۆن، 10ی شەڤ.
