قاسم سالح: نورماله یانا دهۆك ڤی وه‌رزی سه‌ر نه‌كه‌ڤیته خولا نایاب
ئه‌ڤرۆ، زنار زوبێر:
سكرتێرێ یانا دهۆك دیاركر پشتی حه‌فت سالێن دوركه‌فتنا یانێ ژ خولێن عیراقێ و شێوازێ خولا پله ئێك و نه دادپه‌روه‌ریا پشككێشانێ نورماله تیما ته‌پا پێ یا یانا دهۆك ل ڤی وه‌رزی سه‌رنه‌كه‌ڤیته خولا نایاب.
زێده‌تر قاسم سالح د داخویانیه‌كا تایبه‌ت دا بۆ رۆژناما ئه‌ڤرۆ گۆت: پشتی تیم تووشی خوساره‌تیا سیێ بووی د خولا پله ئێكا عیراقێ دا هه‌لویستێ یانێ بۆ ده‌ستڤه‌ئینانا رێزا ئێكێ د كوما دویێ دا و ده‌ربازبوونا ئێكسه‌ر بزه‌حمه‌ت كه‌فتیه ژبه‌ركو زێده‌تر ژ هه‌ڤڕكه‌كی هه‌یه ڤێ كومێ دا و شێوازێ خولێ ئێك قۆناغ كو ده‌لیڤا بزه‌حمه‌ت خستیه دگه‌ل نه دادپه‌روه‌ریا پشككێشانێ كو یاریێن یانا دهۆك یێن بهێز هه‌می ژ ده‌رڤه‌ی دهۆكێ بوون زێده‌باری كێم شاره‌زایا یاریزانێن مه د خولا عیراقێ دا پشتی ڤه‌قه‌تیانه‌كا درێژ ژ خولێن عیراقێ ئه‌گه‌رێن سه‌ره‌كی یێن ڤان ئه‌نجامێن لاوازبوون ل ڤی وه‌رزی و ئه‌گه‌ر تیم نه‌گه‌هیته نایاب نورماله.
ل دۆر په‌یداكرنا چاره‌سه‌ریان قاسم سالح گۆت: جه‌ماوه‌رێ یانێ مافێ وانایه گڤاشتنێ ل كارگێریا یانێ و تیمێ بكه‌ن بۆ ده‌ربازبوونا نایاب لێ كه‌تاوار به‌روڤاژی یێ گونجای نینه ژ به‌ركو نوكه تنێ نوزده یاریزان ل به‌رده‌ستن و د شیان دا نینه چو گوهۆرینان بكه‌ین و یاریزانێن نوو زێده‌بكه‌ین ژ به‌ركو ده‌مێ ڤه‌گوهاستنا خلاسبوویه تنێ مایه دگه‌ل راهێنه‌رێ یانێ كوم بین و شێوازێ یاریێن خوه یێن ژده‌رڤه‌ی پارێزگه‌هێ بگوهۆرین سه‌ره‌رای د هه‌موو یاریان دا ئاستێ یانا دهۆك باشتره لێ گۆل ناهێته توماركرن به‌رۆڤاژی ب ساناهی گۆل سه‌ر یانا دهۆك دهێنه توماركرن و مفای ژ ده‌لیڤێن خوه نابینن تایبه‌ت كورنه‌را.
