قاسم سلێمانی و پشتگوهخستنا 4 مه‌رجان ئەگەرێن بریارا چار وەلاتێن عەرەبییە ل دژی قه‌ته‌ر
ئەڤرۆ نیۆز،زنار تۆڤی:
پێگه‌هێ ئه‌لكترۆنی یێ دیبكا یێ سه‌ر ب هه‌والگیریا ئیسرائیلێ ڤە راپۆرتەک دەربارەی ئەگەرێن سه‌ره‌كی یێن پچڕاندنا په‌یوه‌ندیێن دبلۆماسی یێن سعوودیه و ئیمارات و به‌حره‌ین و میسرێ ل گه‌ڵ قه‌ته‌رێ بەلاڤ دکەت.
پێگه‌هێ هه‌والگیریا ئیسرائیلێ روونکریە کو نهێنیا سه‌ره‌كی یا وه‌رگرتنا وێ بڕیارا توند ل دژی قه‌ته‌رێ ئه‌و بوویە كو ده‌وحە وەکی ئیرانێ هه‌لویست دەربریه بۆ هندێ کو رێككەفتنناما ریاز بجهنەهێت.
پێگەهێ ئه‌لکترۆنی ژ ژێدەرەکێ كو نەڤیایە ناڤێ وی بینیت دیارکریە،ئێک ژ وان هوکارێن سه‌ره‌کی یێن بومبه‌له‌رزا دیپلۆماسی یا كه‌نداڤی ڤەگرتی،په‌یوه‌ندی ب سه‌رەدانا عه‌بدولڕه‌حمان راشد ئالسانی، وه‌زیرێ ده‌رڤە یێ قه‌ته‌ر بۆ تەهرانێ هه‌یه،کو ل حەفتیەکێ بەری سه‌رەدانا سه‌رۆكێ ئه‌مریكا بۆ سعوودیه ئه‌نجام دابوو.
