قانوونه‌كا تايبه‌ت يا بۆ وه‌زاره‌تا په‌روه‌ردێ دهێته دانان
ئەڤرۆ نیوز، سالار دۆسکی:
ئەندامەکێ لژنا پەروەردێ و خواندنا بلند ل پەرلەمانێ کوردستانێ ئاشکراکر کو بۆ دانانا قانوونەکا بۆ وەزارەتا پەروەردێ پتریا فراکسیۆنێن پەرلەمانی پرۆژێن جودا پێشکێشکر بوون، ب مەرەما گەنگەشەکرن و دانانا پرۆژە قانوونێ دوھی وەزیرێ پەروەردێ مێھڤانێ لژنا ناڤبری بوو.
ئایدن مەعرۆف ئەندامێ لژنا ناڤبری بۆ ئەڤرۆ نیۆز گۆت: چەندین پرۆژە ژ فراکسیۆنێن جودا ل پەرلەمانێ کوردستانێ ب مەرەما دانانا قانوونەکێ بۆ پەروەردێ گەشت بوونە لژنا مە و دیسان ھەر د کۆمبوونا وەزیرێ پەروەردێ دا کو دوھی ل پەرلەمانی ھاتە برێڤەبرن، وەزارەتا ناڤبری ژی پرۆژەک ھەبوویە و بگرنگی ڤە ھاتە وەرگرتن کو گەنگەشە ل سەر بھێتەکرن و کار بھێتەکرن بۆ ھەڤسەنگیەکێ دناڤبەرا ھەموو پرۆژان دا پێخەمەت پتر خزمەتکرنا بیاڤێ پەروەردێ ل ھەرێما کوردستانێ.
ئایدنی ھێشتا ژی گۆت: ھەر دکومبوونێ دا بەحسێ ھەوا نشتیمانی ھاتەکرن ئەوا وەزیرێ پەروەردێ ماوەکە کار ل سەر دکەت، ب مەرەما ھاندانا کەسانێن دەولەمەند بۆ ئاڤاکرن و نووژەنکرنا قوتابخانان.
ئەوی ئەندامێ پەرلەمانێ کوردستانێ ئاشکراکر ژی کو ھەتا نوکە چەندین کەسانێن دەولەمەند رابووینە ب ئاڤاکرن و نووژەنکرنا قوتابخانان و ئەڤ ھەوە یا سەرکەفتی بوویە.
ئایدن ئەو ژی گۆت: ژڤانە ئەڤرۆ بەردەوامی ھەبيت لژنا ناڤبری ل سەر پرۆژێ پەروەردێ و خال خال راوستیان ل سەر ھەبیت و گەنگشەل سەر بھێتەکرن.