قایمقامێ مەخموور: داعش د ناڤ دو دەڤەرێن قەزا مەخموور دانە
ئەڤرۆ نیوز، قائید میرۆ:
داعش مەترسی بۆ سەر قەزا مەخموور چێکریە و قایمقامێ قەزا ناڤھاتی ژی گازندا ژ بەغدا دکەت ل دۆر مەزاختنا بۆدجێ بۆ قەزا مەخموور و دبێژیت، تیرۆرستێن داعش ل چیایێ قەرەچۆغ و ناحیەکێ ھێشتا ھەر ماینە و دەست ب لڤینان کریە.
رزگار محەمەد، قایمقامێ قەزا مەخموور بۆ ئەڤرۆ نیوز دیار کر کو ھەر ل دەستپێکێ ھەموو دەڤەرێن سەر ب قەزا مەخموور ڤە ژ لایێ ھێزێن عیراقێ ڤە ژ تیرۆرستێن داعش نەھاتبوونە پاقژکرن، لەوڕا پاشمایێن تیرۆرستێن ناڤھاتی ل قەزا مەخموور ماینە و نوکە یێن خوە بەرھەڤ دکەن بۆ پلانێن نوو و گۆت: “ل ناحیا قەراج و چیایێ قەرەچۆغ چەکدارێن داعش ھەر وەکو خوە “.
ناڤھاتی خویا کر کو نوکە لڤینێن داعش دەستپێکرینە و پێدڤیە ب جدی وەربگرین، ژ بەر کو ھەر دەلیڤەکا بھێتە پێش داعش دخوازیت گورزەکێ ل خەلکێ دەڤەرێ و ھێزێن ئەمنی بدەت، بەلێ ھژمارا چەکدارێن ناھێتە زانین بدروستی چەندە.