قـوونـاغێن دژوار یێن ئـالـۆز زەلامێن خـۆ دڤێن
رێڤینك شێخكی
یا دیارە لایەنێن سیاسی و سیاسیێن هەرێمێ ب ئوپۆزسیۆن ڤە وەكی بزن مشكان د ڤەشارتینە، یان ژی جار جاران كت و ماتەك سەرێ خۆ یێ شۆڕ هەلددەن ژ بۆ وەشاندنا تیرەكی ل دلێ خەلكی و دوپاتكرن بۆ شێخ و سەیدێن خۆ كو ئەم هەر ئەو جاشین یێن جهێ باوەریا هەوە، ئەڤ یەكە ژی ژ ئالیەكی ڤە بێ هیڤی بوونەكێ ل دەف خەلكی دروست دكەت كو ئەڤە ئارمانجا وانە بێ باوەریێ د ناڤبەرا دەستهەلات و خەلكی دا دروست دبیت ژ لایەكێ دی ڤە بۆ وان كەسێن چاڤ ڤەكری و رەوشێ رۆنتر دبینن خۆیا دبیت جاش كینە؟ و مافخوازێن مللەتی كینە؟ هەلبەت بۆ دەربازكرنا هەر قووناغەكا سەخت و ئالۆز زەلامێن خۆ دڤێن، ناڤچە ب گشتی گەلەك یا ئالۆزە پێشبینی كرن و چارەسەریكرنا كریزان ل ڤێ دەڤەرێ و د ڤێ ڕەوشێ دا زەلام پێدڤێن هەكو دبێژن زەلام ب هەمی رامانێن خوڤە زەلام ب دیتنا من زەلامێ ڤێ قووناغێ ژی جەنابێ برا گەورەی كاك (مسرور بارزانی) یە ژ چ گەف و كریزێن ئابۆری، لەشكری، ئەمنی، خۆ نەدایە پاش ئەگەر تەماشەی رابردوی ژی بكەین هەردەم ب سەرەكێ بلند دیاربوویە و د دەمەكێ كورت دا خواندنەكا ژیرانە بۆ ژیواری كریە ڕێ چارەیەكا مەنتقی دیتیە و ئەو سەخت و دژواری دەرباز بووینە، لێ یا ئەڤرۆ جیاوازتر لێ دكەت ژ دوهی ئەوە كو نها جاش و خۆفرۆش و ئەو كەسێن دڤێن ڕەش نەخۆشتر و پیستر لێ بهێت پترن ژ وان یێن هەولا چارەیێ ددەن ئەگەر تەماشەی لیڤینێن وان یێن سیاسی و داخویانیێن وان یێن پوپۆلیستی ل سۆشیالێ بكەین گەلەك ب رۆهنی دێ بینین ئەف ئالیێن خۆ ب ئوپۆزسیۆن ددەنە دیار كرن كو ئەز ڤی ناڤی ژ هەژی وان نابینم دا، بەلكو هەڤدژێن هەرێما كوردستان دبینم تا پشكەك ژ هەڤپشكێن حوكمرانیا هەرێمێ ژی نە بەس خۆ ل مللەتی ناكەنە خودان، بەلكو د گەلەك حالەتێن تەنگاڤ دا كو دڤیابا دەست دابانە دەست سەرۆكێ حوكمەتێ پشكەك ژ وی بارێ گرانێ ل سەر مللێن وی سڤك بكەن ئاریشە مەزنتر لێكرینە و ئەگەر پێدڤی بوویە بووینە ئاخفتنكەرێن وان یان ژی گەلەك جاران بهانە بۆ دوژمێنێن دیار و بەرچاڤێن هەرێما مە دیتینە و مل ب مللێ وان دوژمنێن دیار و بەرچاڤێن هەرێما مە و بێی ڕەحمانە ئەو كەربا جاشایەتیێ كریە د دل و سەرێن وان دا ب سەر مللەتێ خودا رشتیە ئەڤ یەك هەمی ژی ژ بۆ شكستهێنان ب كابینەیا حوكمەتا بەرێز (مەسرور بارزانی) یە ئەڤ یەك ئارمانجا وانە، لێ یا د ژیواری دا رویدەت خۆراگری لێهاتیا سەرۆكێ حكۆمەتێ یە كو چەند هەستێ جاشاتیا وان بلند و بوویە هەول و خۆراگریا جەنابێ برا گەورەی خورتر بوویە كو خۆ ل بەر ڤان هەمی با و بارۆڤێن سەخت گرتیە و پشت نەدایە مللەتێ خۆ، ئەگەر ئەم تەماشەی لڤین و دیتێنێن جەنابێ وی بۆ داهاتی بكەین دێ وێ جیاوازی د حوكمرانیا یا نها و پێشتر دا یا هەرێما كوردستانێ دا بینین كو ڤان چەند سالێن كێم دا ژێرخانەیا ئابۆری یا كوردستانێ گەلەك ب هێز كریە كو پشت بەستنامە یا كو جاران (١٠٠٪) ل سەر بەرهەمێن ژ دەرڤە بوویە كو هەمی سات و وەختا ترسا برسیبوونێ ل سەر مللەتی بوویە تا وی رادەی كو خۆ زلكێن ددانا ژ دەرڤە دهاتە د ناڤ هەرێما كوردستانێ دا، نها ب شانازیڤە بەرهەمئینانا ناڤخۆی ل ئاستەكێ گەلەك باشە باژێرێن پیشەسازی هاتینە دانان كو پشكەك ژ بەرهەمێن ناڤخۆی ڕەوانەی دەرڤەی وەلاتی بكەین، یا ژ ڤێ گرنگتر كو ئاریشا هەرە مەزنا مللەتێ مە یێ كورد بوویە، كو چ جاران حوكمرانیا مە ب پلان كار نەكریە هەما قەتاندنا ڕۆژێ و هەیڤێ بوویە لەومان ژی پرۆژێن ستراتیژی و درێژخایەن مە نە دیت بوون، لەو مان ژی پشكەك ژ مە قەدر و قیمەتێ ڤێ نزانن، چوونا جەنابێ وی بۆ ئەمریكا گرێبەست كرن ل گەل كۆمپانیێن ئەمریكی دوپاتیا هندێ دكەت كو پلانێن وی یێن درێژخایەنن دبیت دو سالان یان ژی پتر ئەم بەرهەمێ وێ ببینین، لێ دێ ئەم ژی خوین و نفشێن داهاتی ژی دێ ژێ خۆن، هەڤپشكەك مینا شویرهەكێ بۆ مە ژێگرتیە كو هەمی بەرژەوەندیێن مە یێن سیاسی و ئابۆری د پاراستی بن ئەڤ یەك ب هەمی كەسان ڤە ناهێت.
