قه‌ته‌ر و ئیمارات په‌یوه‌ندیێن خوه بهێز دكه‌ن
ئه‌ڤرۆ:
ته‌میم بن حه‌مه‌د ئه‌لسانی ئه‌میرێ قه‌ته‌رێ ل گه‌ل محه‌مه‌د بن زاید سه‌رۆكێ ده‌وله‌تا ئیماراتێ كۆمبوون و د كۆمبوونێ دا به‌حسێ په‌یوه‌ندیێن هه‌ر دو ئالیان د بیاڤێن سیاسی و ئابووری دا هاتنه كرن و هه‌ر دو ئالیان دیار كرن كو وان بریار داینه ده‌ست ب قۆناغه‌كا نوو بكه‌ن.
ده‌زگه‌هێن راگه‌هاندنا عه‌ره‌بی ژی ب گرنگی به‌حسێ كۆمبوونا سه‌ركردێن هه‌ر دو وه‌لاتان كرن و دیار كرن كو كۆمبوونا هه‌ر دو وه‌لاتێن قه‌ته‌ر و ئیماراتێ بۆ بهێزكرنا په‌یوه‌ندیێن هه‌ر دو وه‌لاتان دێ بیته پێنگاڤه‌كا گه‌له‌ك گرنگ.
هه‌ژی ئاماژه‌پێدانێ یه كو سالا ٢٠١٧ هه‌ر یه‌ك ژ وه‌لاتێن سعوودیێ، ئیمارات، به‌حرێن و مسر هه‌موو په‌یوه‌ندیێن خوه یێن ئابووری و سیاسی ل گه‌ل وه‌لاتێ قه‌ته‌رێ دابوونه راگرتن و وی ده‌می وان وه‌لاتان دیار كربوون كو هه‌تا قه‌ته‌ر ده‌ستان ژ پشته‌ڤانیا گرۆپێن تیرۆرستی به‌رنه‌ده‌ت ئه‌و په‌یوه‌ندیێن خوه ل گه‌ل وی وه‌لاتی ئاسایی ناكه‌ن.
