قهڕێن چاندنێ بێ زێدههی بۆ جۆتیاران دێ هێنه دان
ههولێر، قائید میرۆ:
پهیڤدارێ وهزارهتا چاندن و ژێدهرێن ئاڤێ ل حوكمهتا ههرێما كوردستانێ ئاشكرا كر، رێككهفتن ل گهل بهنكهكا ئههلی هاتیه كرن بێی زێدههی قهڕێن چاندنێ بدهته جۆتیاران و ههموو جۆتیارێن مهرجێن حوكمهتێ تێدا ههبن دشێن ژ وهرگرتنا وان قهران مفادار بن و دبێژیت: قهڕێن چاندنێ یێن نوكه 15 ههتا 100 ملیۆن دینارانه.
حسێن حهمه كهریم، پهیڤدارێ وهزارهتا چاندنێ بۆ رۆژناما ئهڤرۆ دیار كر، سالێن بهری قهیرانێ ژ لایێ بهنكا چاندنێ ڤه قهڕێن چاندنێ ل سهر جۆتیاران دهاتنه بهلاڤكرن و گۆت: “ل گورهی مهرجێن حوكمهتێ ههر جۆتیارهكێ مهرج ل نك ههبان ماف ههبوو قهڕێن چاندنێ وهربگریت، بهلێ پشتی هاتنا قهیرانا دارایی و شهڕێ داعشێ قهڕێن چاندنێ هاتنه راگرتن، ههتا نوكه قهڕێن حوكمهتێ بۆ جۆتیاران هاتینه راگرتن و دهستپێ نههاتیه كرن، ئهڤ قهڕێن نوكه بۆ جۆتیاران دێ هێنه دان ژ لایێ بهنكهكا ئههلی یا ئیسلامی پشتهڤانی لێ دهێته كرن”.
حسێن حهمه كهریم گۆتژی: “رێككهفتن د ناڤبهرا بهنكا ئیسلامی و وهزارهتا چاندنێ دا هاتیه كرن، كو قهڕێ 15 ملیۆن دیناری ههتا 100 ملیۆن دیناری بێ زێدههی بدهته جۆتیاران، ههر چهنده بزاڤێن وهزارهتێ بۆ قهڕێ بهری قهیرانێ ژی ههنه، بهلێ ئهڤه گرێدایی وهزارهتا دارایی و ئابووریه و ههموو جۆرێن قهڕان هاتینه راگرتن”.
