قوتابخانەک شیایە پەرتۆکخانەکێ بۆ قوتابیێن خوە دروست بکەت
ئەڤرۆ نیوز ، زنار تۆڤی:
قوتابخانەک ل دەڤەرا بەرواری بالا پەرتۆکخانەکێ بۆ قوتابیێن خوە دروست دکەت و بۆ ڤێ مەرەمێ وان دەرگەهێ گەلەک جهان قوتایە و شیاینە رێژەکا باش یا پەرتۆکان پەیدا بکەن، د ڤی واری دا ماموستا سەلمان عەلی سەلمان رێڤەبەرێ قوتابخانا ئۆرمانا یا بنەرەت بۆ ئەڤرۆ نیوز گۆت: کو وان وەک ماموستا و کارگێریا قوتابخانا ئورمانا یابنەرەت شیاینە ب هەڤکاریا پەروەردا قەزا ئامێدیێ و و کارگێریا پەرتوکخانا مەلبەندی یا دهوکێ ژبۆ دابینکرنا رێژەکا باش ژ پەرتوکێن هەمەرەنگ و پێدڤی ژبۆ پەرتوکخانا قوتابخانا وان ژپێخەمەت هاندانا خواندەڤان و قوتابیان بدەن ژبۆ پروسا خواندنا پەرتوکان و لێک نێزیک بوون و تێگەهشتنا هزرا دوستایەتیا خواندەڤانی بۆ پەرتوکێ و خواندنا وێ بۆ بهێزکرنا ئاستێ زانستی و روشەنبیریا گشتی ژ؛پێخەمەت جڤاکەکێ خواندەڤان و ساخلەم بۆ بەرهەنگاربوونا نەزانین و تاریاتیێ و ژ بۆ بهێزبوونا نێزیکاتیا قوتابی و خواندەڤانی بۆ پەرتوکان بەرهەڤ بکەین.
ناڤهاتی دیارکر ژی: دانان و بەرفرەهکرنا ڤێ پەرتوکخانێ دهێتە هژمارتن وەکو ئێکەم بزاڤ و پیتە پێدانا پەرتوکخانا قوتابخانێ ل سەر ئاستێ دەڤەرا کانی ماسێ، هەروەسا ئەڤ بزاڤە دزڤریتە ڤە بۆ ماموستا و کارگێریا قوتابخانێ کو گەلەک رەنج و ماندی بوون ژبۆ سەرئێخستنا ڤێ بیروکێ کریە، دیسا چاڤلێکرنا قوتابخانێن دەڤەرێ بۆ ڤێ پێنگاڤا پیروز ژپێخەمەت بهێزکرنا پەیوەندیا دناڤبەرا خواندەڤانی و پەرتوکاندا.
