قوتابخانەیا برایەتی وەك قوتابخانەیەكا كوردایەتی دهاتە دیتن
سالار محەمەد دۆسكی:
5-8
چونكی چەكێ پێشكەفتی د دەستێ وان دا هەبوو و چەكێ پێشمەرگەی بتنێ ئەو چەك بوویە یێ وەك دەست ككەفت ل سالا 1991 و سالا 2003ێ كەفتیە دەستێ پێشمەرگەی و هەر وەسا ئەو دەڤەرێن ل ژێر كونترۆلا پێشمەرگەی دا گەلەك ژوان دەڤەرا ئەرەب نشین بوون و شانێن نهێنیێن داعش و ڤەشارتی دناڤ دا هەبوون و ئەڤە هەمی بوونە ئەگەرێ وێ چەندێ كو ب چەندەكێ شیان چەندین جهان كونترۆل بكەن و پێشمەرگە ژ ئەوان جهان هاتە ڤەكێشان و ئەڤ چەكێ ل بەر دەستێ پێشمەرگەی كارتێكرن ل سەر ئالیەتێن وان یێن درع نەبوو. ژ بەر ڤێ چەندێ شیان ل گەلەك جهان پێشرەویێ بكەن و هێزێن پێشمەرگەی ل گەل جهان هاتنە ڤەكێشان. ل وان دەڤەری، كەفتینە دەستێ وان دا گەلەك تاوان ئەنجامدان وەكو ل رۆژا 3/8/2014 ل دەڤەرا شنگالێ كارەساتێن دل تەزین پەیدا بوون دژی خویشك و برایێن ئێزدی و هەروەسا ل دەشتا نەینەوا ژی و ژ بەر ڤێ چەندێ هەر زووی جەنابێ سەرۆك بارزانی هاتە سەر خەت و جەنابێ وان بارەگایێ خوە ل دەڤەرا سحێلا دانا و جەنابێ وان ل گەل كاك (مەسرور) كاك (سیداد) هەمی هاتنە سحێلا هەتا كو وی دەمی هەوپەیمانا ناڤ دەولەتی هیچ هەلویستەك نەبوو دژی تیرورستێن داعش، و ل هەیڤا تەباخێ یا سالا 2014 تیرۆرستان ل دەڤەرا مەخمور دەست ب پێشرەویێ كر و ئەو ژلایێ فرۆكێن هاوپەیمانان ڤە هاتنە بوردومانكرن و پشتی ئەڤێ چالاكیێ هێزێن هاوپەیمانا پشكداری شەری بوون بهێزا ئاسمانی و چەكی. و پشتی هاوكاریا هاوپەیمانا مورالا پێشمەرگەی بلند بوو و چەكەكێ باش بۆ پێشمەرگەی هات و بەرنامە هاتەدانان قوناغ قوناغ و دەست ب ئوپراسیوونا هاتەكرن و گەلەك محوەران پلان هاتنەدانان بۆ رزگاركرنا ناحیا رەبیعە و ئەو بوو ل رۆژا 30/9/2014ێ بتەمامی هاتە رزگاركرن و رۆژا 17-18/12/2014 پلان هاتەدانان بۆ رزگاركرنا ئەوان دەڤەران یێ دناڤبەرا چیایێ شنگال و دەڤەرا زومار دا و پێشمەرگە شیان ماوەكێ كورت دا وێ دەڤەرێ هەتا چیایێ شنگال رزگار بكەن و هێزێن پێشمەرگەی و جەنگاوەرێن ئێزدیان شیان بگەهنە ئێك و هەمی ئوپراسیوون ب سەرپەرشتیا راستەوخو یا جەنابێ (مەسعود بارزانی) بوون و ئەو بوو رۆژا 21/12/2014 جەنابێ سەرۆك بارزانی گوتارەك ل چیایێ شنگال پێشکێش كر و رۆژا 13/12/2015 پلان هاتەدانان بۆ رزگاركرنا باژێرێ شنگالێ و هێزەكا باش یا پێشمەرگەی هاتە ئامادەكرن ژ (3) محوەرا ڤە و دماوێ(24) دەمژمێران دا قەزا شنگال ب تەمامی هاتە رزگاركرن و ئەو سوزا سەرۆك بارزانی دایە خویشك و برایێن ئێزدی هاتە جێبەجێكرن و جەنابێ سەرۆك بارزانی گوتارەك ب هەلكەفتا رزگاركرنا باژێرێ شنگال و ئەو پێشرەویێن هاتینە ئەنجامدان و پشتەڤانیا هاوپەیمانان و بتایبەت هێزا ئەسمانی یا وان رۆلەكێ بەرچاڤ هەبوو و هەر ژ دەسپێكا ئوپراسیوونێ وەكو مە ئاماژە پێكری ب سەرپەرشتیا راستەوخو یا جەنابێ سەرۆك بارزانی بوویە و هەتارزگاركرنا شنگال ب ماندیبوونا هەر ئێك ژ (فازل میرانی، كاك مەسروور، كاك سیداد، فەرماندە مەنسور بارزانی، شێخ سیهاد، زەعیم عەلی، بەرپرسێ محوەری فەریق جەمال ئێمینكی، عەزیز وەیسی، بروسك قەصاب، ئازاد گەرماڤی، بژار كورەماركی) وەک بەرپرسێن ئاسایش و پاراستنا دهۆک دئامادەبوون، زێدەباری شەهیدێ فەرماندە (وەحید باکوزی) رۆلەکێ باش هەبوو، وی دەمی كاك (بابەبكەر زێباری) خواست بچمە بەغدا لێ من ڤیانا چوونا بەغدا نەبوو و زحمەتە 12 سالان دناڤا لەشكرەكی دا نەبی و هەمان دەم مە ئیمان ب وی لەشكری نەبوو و مە باوەری نەبوو جارەكا دی دناڤ لەشكرێ ئیراقێ كاربكەی و هەتا نوكە ژی وەك لەشكرەكێ ئیراقی ناهێتە دیتن بەلكو زێدەتر وەك لەشكرەكێ مەزهەبی دهێتە دیتن.
فەریق جەمالی گۆتژی: وەك خودان بریار هەتا نوكە ئیراق نەبوویە خودان بریارا خوە و ئیران ئیراقێ ب رێڤەدبەت و سەركردێ هێزێن گشتی ل ئیراقێ مەزهەبكە و هێزێن حەشدا شەعبی ب بهانا بەرامبەر داعش هاتیە پێكئینان و جێبەجێكارێن پلان و بەرنامێن ئیرانێ بووینە و ئەگەر لێ زڤرینەكێ ل مێژوویا ئیرانێ بكەین پشتی كەفتنا دەستهەلاتا شاهی ل وی وەلاتی و لەشكرێ خوە هێلا و هێدی هێدی دەست ب دروستكرنا هێزا پاسداران كر هەتا چەمكێن وەلاتی هەمی ژ ئالیێ پاسداران ڤە هاتینە گرتن لەشكرێ ئیرانێ بتنێ ناڤلەشكرە، شیان و دەست هەلات هەرهەمی د دەستێ پاسدارادانە، دروستكرنا هێزێن حەشدا شەعبی ئەو بووینە هەمان سیناریویێ ل ئیرانێ ل ئیراقێ ژی جێبەجێ بكەن و هەمی بزاڤ هاتنەكرن ل پەرلەمانی كو حەشدا شەعبی وەكی هێزكا رێكخستی بهێتەدیتن و دچارچووڤێ قانوونی دا بهێتە دیتن و پاشەرۆژێ كولیژێن لەشكری بۆ بهێنەڤەكرن و هەتا نوكە ئەڤێ چەندێ سەرنەگرتیە چونكە كورد و ئەرەبێن سونە و پشكەكا شیعان ژی نەلگەلن و مەترسی ل سەر پاشرۆژا ئیراقێ هەیە و ئەگەر هات وەكی وا دڤێت دروست بوو دێ هەمان سیستەمێ ئیرانێ هێتە پەیروكرن و ئەگەر تەماشەی ئیرانێ بكەین جیهان هەمی دژی وانە و گەلەك وەلاتێن پێشكەفتی ل دڤەرێ كو ناڤ و دەنگی هەبوو وەك وەلاتێ لوبنانێ و پشتی حزب الله هاتیە دروستكرن ل سالێن هەشتێیان ئەو وەلات هەمی ژناڤ چوو، دەڤەرێن شیعی ل ئیراقێ هەمی وێرانن و ئەم چووینە بەغدا وەك لژنێن ئێمناهیێ و هەڤ پشك و ئەگەر بەرێ خوە بدەیە بەغدا نوكە و یا سالێن هەشتێیان یا وی دەمی گەلەك پێشكەفتی تربوو ژ نوكە.
فەریق جەمال ئێمینكی، بەحسێ شەرێ داعش كر و گۆت: شەرێ داعش بەرمایكێن چەند رێكخراوا نەقشەبەندی و رێكخراوێن تیرۆرستی بووینە و دەمێ داعش هاتی و راگەهاندنا دەولەتا ئیسلامی ل ئیراق و شامێ كری، نەقشەبەندی و قاعیدە هەر هەمی چوونە بن بالێ داعش ڤە و دەست ب شەری هاتەكرن و پشت شەر ب دووماهی هاتی و دەڤەر رزگار بووین، پشتی هێزێن ئیراقێ هاتینە تەلەعفەر و دەڤەرێ وی دەمی ئنیەتێن ئیراقێ بەرامبەر كوردان نە دروست بووینە وی دەمی هەڤكاریەكا باش ژ هەر دو ئالیێن سیاسی و ئێمناهیێ ڤە ل گەل سەركردایەتی یا كوردستانی هەبوو، بەری ئازادكرنا مویسل ئەم هاتینە ئاگەهداركرن كو سەرەدانا كەركووكێ بكەین ب مەرەما كومبوونەكێ ل گەل هێزێن ئیراقێ كو مەرەم ئەو بوویە دەست ب رزگاركرنا حوێجە و ریاز و دەڤەرا باشورێ كەركووكێ بهێتەكرن و پلان و بەرنامێ خوە نیشامەدا و مە گۆتێ گەلەك باشە و مە گۆتێ ئەگەر تشتەكی پێدڤی بن گۆت نەخێر بتنێ بۆ ئاگەهداركرنا هەوە ل سەر بابەتی وەك پێشتر مە ئاماژە پێكری كو ئنیەتا وا نەیا دروست بوو و پشتی ماوەكی پلانا خوە گوهارت بۆ ئازاكرنا باژێرێ مویسل دیاربوو كو ئنیاتا نەیا دروستە چونكە دڤێت رێك ل دەسپێكێ بهێتە پاقژكرن.
