قوتابخانەیەكا 12 رێزی ل زاخۆ هاتە ڤەكرن
شڤان عەبدی، بەرپڕسێ ڕاگەهاندنا ئیدارەیا سەربخوە یا زاخۆ بۆ ڕۆژناما ئەڤرۆ دیار كر، دوهی 30/7/2023 ب بەرهەڤبوونا دكتۆر ئالان حەمە سەعید، وەزیرێ پەروەردێ ل حوكمەتا هەرێما كوردستانێ و گۆهدار شێخۆ، سەرپەرشتێ ئیدارەیا سەربخوە یا زاخۆ، قوتابخانەكا 12 رێزی ل تاخێ تلكەبەرێ ل زاخۆ هاتە ڤەكرن و 500 قوتابی دێ ژێ مفادار بن.
بەرپڕسێ ڕاگەهاندنا ئیدارەیا سەربخوە یا زاخۆ، ئاماژە ب وێ چەندێ ژی كر كو هەر د ڤێ سەرەدانا خوە دا ئالان حەمە سەعید و گۆهدار شێخۆ هەڤدیتنەك ئەنجام دا و بەحس ل بابەتێن گرێدایی رەوشا پەروەردێ ل سنوورێ ئیدارەیا سەربخوە یا زاخۆ ب گشتی و وان خزمەتگوزاریێن نوكە ل زاخۆ دهێنە پێشكێشكرن هاتە كرن.
