قوتابخانەیەكا 20 ڕێزی ل زاخۆ دهێتە دروستكرن
زاخۆ، دلۆڤان هالۆ:
سەلام پیرۆ، بەرپرسێ ڕێڤەبەریا گشتی یا پەروەردا زاخۆ بۆ ڕۆژناما ئەڤرۆ دیار كر كو ب گۆژمێ ملیارەك و 214 ملیۆن دیناران ل سەر ئەركێ حكومەتا هەرێما كوردستانێ و بۆ ئێكەم جار قوتابخانەیەكا 20 ڕێزی و دو نهۆمی ل تاخێ ئەیاز ل ئیدارا سەربخوە یا زاخۆ دهێتە دروستكرن.
بەرپرسێ ڕێڤەبەریا گشتی یا پەروەردا زاخۆ، ئاماژە ب وێ چەندێ ژی كر كو ب ڕێژەیا 90% كار د ڤێ قوتابخانەیێ دا هاتییە كرن و ل دەمەكێ نێزیك دێ ب دوماهی هێت و كەڤیتە د خزمەتا قوتابیێن دەڤەرێ دا.
سەلامی گۆت: «ئەڤ قوتابخانە ب شێوەیەكێ سەردەمیانە و ب سیستەمەكێ نوو دهێتە دروستكرن و دێ بیتە ئێكەم قوتابخانەیا سەردەمیانە ل ئیدارا سەربخوە یا زاخۆ».
