قوتابيه‌كى خوه كوشت
ئه‌ڤرۆ نيوز، نەوزاد ھلۆری:
مەغرەبیا ئەڤرو ١٠ نیسانا ٢٠١٥ێ گولەیەکا جفتێ ب گەنجەکێ گوندێ ھلوار یا سەر ب ناحیا شێلادزێ ڤە ب ناڤێ بەھزاد نوری دکەڤیت و دەملدەست گیانێ خوە ژ دەست ددەت.
کەسەکێ نێزیکێ وی گەنجی بۆ ئەڤرۆ نیوز گۆت: “سێ گەنجێن گوندی وەکو گەریان و سەیران و دەم بوراندن پێکڤە چووبوونە چیایی و ئێک ژ وان ب شاشی ڤە جفتەک ل خوە دایە و ھەر ل چیایی گیانێ خوە ژ دەستدایە”.
زێدەتر گۆت: “ناڤێ وی بەھزاد نوری یە و ژیێ وی ١٨ سالن و خەلکێ گوندێ ھلورا یا سەر ب ناحیا شێلادزێ یە و ل کومەلگەھا سیریێ ئاکنجی یە و قوتابیە ل رێزا نەھێ بنەرەتی”.
ژ لایەکێ دن ڤە دکتور محەمەد ئه‌حمه‌د محه‌مه‌د رێڤەبەرێ نەخوشخانا ئامێدیێ بو ئەڤرۆ نیوز گۆت: “ئەڤرۆ تەرمەک گەھشتیە نەخوشخانا ئامێدیێ پشکا نوشداریا داد دا کو راستیا روودانێ بھێت زانیت و ئەڤی گەنجی گولەیەکا جفتێ ل خوە دایە و ھەر دەملدەست گیانێ خوە ژ دەستدایە، ب تنێ ئینایە نەخوشخانێ دا کو نوشداریا داد ئەرکێ خوە بجهـ بینیت”.