قوتابیه‌كێ په‌یمانگه‌ها ته‌كنیكى یا ئامێدیێ د ئاڤێدا خه‌ندقى
ئه‌ڤرۆ نیوز،زنار تۆڤى، مه‌حمود نهێلى:
رائیدێ مافپه‌روه‌ر بێوار عه‌بدولعه‌زیز به‌رپرسێ راگه‌هاندنا په‌یوه‌ندى و به‌ره‌ڤانیا باژێرێ دهوكێ بۆ ئه‌ڤرۆ نیوز گۆت:ل نیڤرۆیا رۆژا چارشه‌مبى 2/3/2016 كومه‌كا قوتابیێن په‌یمانگه‌ها ته‌كنیكى یا ئامێدیێ دچنه باژێرێ سه‌رسنكێ ل نێزیك به‌نداڤا باده‌ره‌شكێ و د هه‌مان ده‌مدا قوتابیێ بناڤێ (ئه‌حمه‌د فه‌تاح ئه‌حمه‌د) كو ژیێ وى 20 سالن قوتابى بوویه ل په‌یمانگه‌ها ته‌كنیكى یا ئامێدیێ خۆ د هاڤێژته ئاڤێ ل وێ به‌نداڤێ و تێدا دخه‌ندقیت .
ناڤهاتى دیاركر ژى:هه‌ر زوو تیما نقومڤانان یا پۆلیسێن به‌ره‌ڤانیا باژێرێ دهوكێ ل به‌نداڤا باده‌ره‌شكێ ئاماده‌بوون و شیان پشتى ده‌مه‌كێ ته‌رمێ وى ژ ئاڤێ بینه‌ده‌ر،هه‌روه‌سا په‌رێن ڤه‌كۆلین ل بنگه‌هێ پۆلیسێن سه‌رسنكێ هاتیه تۆماركرن بۆ زانینا ئه‌گه‌رێن دروست یێن ڤێ روودانێ.
