قوتابیێن بۆ خواندنێ چووینه ئیرانێ دشێن ڤهگهڕن و ل كوردستانێ بخوینن
ههولێر، قائید میرۆ:
جێگرا سهرۆكێ لژنا خواندنا بلند ل پهرلهمانێ ئیراقێ ئاشكرا كر، ئهگهر قوتابیێن ههرێما كوردستانێ یێن ل ئیرانێ ڤهگهڕن ژ بهر ئالۆزیێن وی وهلاتی ماف ههیه ل ههرێما كوردستانێ و ئیراقێ درێژیێ ب خواندنا خوه بدهن.
دكتۆره نههلا ئهفهندی، جێگرا سهرۆكا لیژنا خواندنا بلند ل پهرلهمانێ ئیراقێ بۆ رۆژناما ئهڤرۆ دیار كر، ههژمارهكا زۆرا قوتابیێن ئیراق و ههرێما كوردستانێ ب مهرهما خواندنێ نوكه ل زانكۆیێن وهلاتێ ئیرانێ درێژیێ ب خواندنا خوه ددهن و رهوشا وی وهلاتی ژی یا بهر ب ئالۆزیان دچیت و گۆت: “ههتا نوكه زانیاری نهگههشتینه لیژنا خواندنا بلند، كو قوتابی ژ بهر تێكچوونا رهوشا كۆمارا ئیسلامیا ئیرانێ ڤهگهڕیابنه ئیراق و ههرێما كوردستانێ، ب تنێ قوتابیێن كورد ل ئۆكرانیا ڤهگهڕیاینه”.
دكتۆره نههلا ئهفهندی گۆتژی: “ههر قوتابیهكێ ئیراق و ههرێما كوردستانێ ژ بهر رهوشا ئالۆزا ئیرانێ ڤهگهڕیت، ئهگهر ب رێكێن قانوونی چووبیته ئیرانێ و ل وهزارهتا خواندنا بلند یا ئیراقێ یان ههرێما كوردستانێ بادهك ههبیت، ئهگهر بهێت و بادهك ههبیت ئهڤه ههر ئاریشهیهكا پهیداببیت چاره نڤیسێ قوتابییێ دیاره و ماف ههیه ل ههرێما كوردستانێ بێی ئاستهنگ درێژیێ ب خواندنا خوه بدهت”.
