قوتابیێن نمرەیێن بلند ب دەستڤەئیناین چیرۆكا سەركەفتنا خۆ بۆ ئەڤرۆ ڤەدگێرن

رەمەزان زەكەریا:

پشتی ئالان حەمە سەعید وەزیرێ پەروەردا حوكمەتا هەرێما كوردستانێ د كۆنگرەكێ رۆژنامەڤانی دا ئەنجامێن خولا ئێكی یێن پۆلا دوازدێ راگەهاندین، هژمارەكا قوتابیان نمرێن بلند ب دەستڤەئینان ل سەر ئاستێ كوردستانێ و هندەك ژ وان قوتابیان چیرۆكێن سەركەفتنا خۆ ڤەدگێرن.

قوتابی دانەر زوبەیر رەعەد، نمرەكا بلند ب دەستڤە ئینایە بڤی رەنگی چیرۆكا خۆ بۆ ئەڤرۆ ڤەگێرا و گۆت: ل دەستپێكا وەرزێ خواندنێ رۆژانە من وانەیێن خۆ د خواندن و دەركەفتن و گەریان و خۆشی و نەخۆشی ژ خۆ دوور كربوون و هەموو هزرا من ل سەر خواندنێ، بۆ وێ چەندێ نمرەیێن باش ب دەستڤە بینم.
گۆتژی: ل دەمێ ل تاقیكرنێن دووماهیا سالێ نێزیكبووین، من پتر دەمێ خوە د دا خواندنێ، ب تایبەت ئەو دەمێ مامۆستا ئەم زڤراندین مال من شەڤ و رۆژ دەمێ خۆ تەرخانكر بۆ خواندنێ، ب شەڤ و رۆژ چار بۆ شەش دەمژمێرا د نڤستم و دەمێ دی هەموویێ من دخواند.
ناڤبری گۆت ژی: خێزانا من ب گشتی و مامۆستایێن من و كەس و كارێن من گەلەك پشتەڤانیا من دكر و ئەز هاند ددام نمرەكا باش ب دەستڤە بینم، قوتابیێ قوتابخانەكا حكومی بووم و من ومامۆستایێن تایبەت نەبوون هەموو وانە ب خوە خواندینە و گەلەك خوە ماندی كر، هەتا شیام نمرەكا باش ب دەستڤە خۆ ڤە بینم.
دانەر گۆت: ل قوتابخانا دواناوەندیا بارزانی كوران ل سنوورێ رێڤەبەریا پەروەردا مێرگەسۆر قوتابی بووم و شیام كۆنمرا 692 ب دەستڤە بینم و ب تێكرا 98.9 ل پشكا زانستی و بوومە دەرچوویێ ئێكێ ل سەر ئاستێ ئیدارا سەربەخۆیا سۆران.
قوتابیەكا دن ب ناڤێ ئیمان رەمەزان سەعید ل قوتابخانا ئامادەیا بجیل ل سنوورێ پەروەردا ئاكرێ شیا ببیتە ئێكەم ل سەر ئاستێ كوردستانێ و نامەیا پیرۆزباهیا مەسرور بارزانی سەرۆكێ حوكمەتا هەرێما كوردستانێ بگەهیت دەستێ وی.
ئیمان رەمەزان سەعید ، قوتابی بوو ل قوتابخانەیا ئامادەیا بجیل سنوورێ پەروەردا ئاكرێ شیا ببیتە ئێكەم ل سەر ئاستێ كوردستانێ ل پشكا وێژەیی.
ئێكەما سەر ئاستێ كوردستانێ شیایە كو نمرەیا 696 ب دەستڤە بینیت ب تێكرا 99.4 ببیتە ئێكەما سەر ئاستێ كوردستانێ.
چەندین قوتابیێن دی ل دەڤەرێن جۆدا نمرێن باش ب دەستڤەئیناینە ل سنوورێ پەروەردەیێن سنوورێ رێڤەبەریا گشتیا پەروەردەیا دهۆك.

کۆمێنتا تە