قوتابیێن پلێن بەرز هاتنە خەلاتکرن …لێ مخابن راستی نەهاتە زانین!
کارەکێ پیرۆزە قوتابی بێنە خەلاتکرن ژلایێ هەر لایەکی ڤە بیت و هاندانە بۆ قوتابیێن دی بزاڤێ بکەن ئاستێ خوە بلند بکەن هەکە هات و پرۆسا پەروەردێ ب شئێوەکێ ساخلەم برێڤە بچیت، چونکی پرۆسا پەروەردێ ل سەر بنەمایێن سێ گۆشا (مامۆستا، پرۆگرام، قوتابی)، سەرپەرشتی و دووڤچوونا چاوانیا برێڤەچوونا ڤێ پرۆسا نازک و هەستیار و مەترسیدار. بەلێ مخابن دویفچوون نەمایە و پرۆسە وەکی کەرەکێ پەزێ بێ شڤان برێڤە دچیت و د ڤان کاودانێن قەیرانا دارایی و شەرێ تیرۆرێ و بایکۆتا مامۆسایان ژ دەوامێ ل دەڤەرا سلێمانیێ و هەلەبجا شەهید و گەرمیانا خودان مە زنترین رێژا ئەنفالکریان و ب دیتنا من ئەو قوتابخانێن دەوامێ دکەن ژی وەک پێدڤی دل و دەروون بەریکا وان نەیا ل ئاستێ پێدڤیە بەلێ هەما وەکی دبێژن چێترە ژ بایکۆتێ و هەما رەشکە و دلێ خودانی گەشکە! جهێ داخەکا مەزنە کو ئەڤ کارەساتە نەخەما کەسێ یە و خوە تێناگەهینن ئەڤ بێ هەلویستی یە و بێ چارەسەریە هەکە هوسا بچیت دێ لەشکرەکێ نەخواندەوار ل داهاتی ئێتە مەیدانێ و هەر کەس بۆ خوە ناکەتە خەم و خوە بسەرڤە نابیت.
بەلێ ئەڤە هەمی هاتیە گۆتن و نڤیسین و هەکە هاتبیتە خواندن ژی هیچ نەبوویە خەما کەسێ و نەهاتیە چارەکرن، چاوا پرۆسەکا وەسا هەستیار مایە بێ دووڤچوونا سەرپەرشتان؟ و چاوا بریڤە دچیت؟ بەلێ یا ژهەمیێ نەخۆشتر ئەوە هەر قوتابخانەکێ دەرچوویێ ئێکێ و دویێ و سیێ هاتنە خەلاتکرن و نەگۆتن چەند کەفتینە ژ هەڤالێن وان! یان رێژا سەرکەفتنێ ب گشتی چەندە؟ ل قوتابخانان ما پیڤەر ئەڤەنە؟ هەکە رێژا سەرکەفتنێ ل زۆربەی قوتابخانان نە ژ (30%) پترە و بۆچی و کی بەرپرسیارە؟ بۆ زانین و ل گۆر گۆتنێن مامۆستایەکێ جهێ باوەریێ کو ئەوێن سەر کەفتیێن ئێکێ هندەک ژ وان ژ ئەگەرێ زێدەکرنا نمرێن بابەتێن سروود و وەرزشێ بۆ وان ئەو پلە ب دەستڤە ئانینە و ل بابەتێن سەرەکی هەبوون قوتابی ژ وان پتر ژ هەژی بۆ پلێن دەست کرد و ل گەل هندێ پیرۆزباهیێ ل سەر کەفتیێن ب دروستی ئەو پلە بدەستڤە ئانین و ئەڤە هەمی ب دیتنا من کو (40) سالێن خزمەتا پەروەردەیی من هەیە و هەر مامۆستایێ و هاریکاریا رێڤەبەر و رێڤەبەر و سەرپەرشت و نوکە خانەنشینم و قوتابیێ ماجستێر ب دەروون زانیا پەروەودەیی مە. ب دیتنا من لاوازکرنا رۆلێ سەرپەرشتێن پەروەردێ ل گۆر راسپاردێن کۆنگرێ داویێ پەروەردێ و نەبوونا پێرابوونان دەرهەق وان مامۆستایێن قوتابی ل بابەتێن وان رێژا کێمتر ژ(50%) دئینن و وان رێڤەبەرێن رێژا سەرکەفتنێ ب گشتی کێمتر ژ(50%) دئینن و لادانا وان ژ رێڤەبەریێ و لاوازیا هەستێ بەرپرسیاریێ ل زۆربەی جهێن بریارێ و بێ ئاگەهیا سەمیانێن قوتابیان ژ ڤێ کارەساتا دبیت ل گەل زارۆکێن وان و ب دیتنا من ئەکتیڤکرنا رۆلێ سەرپەرشتان وەکی بەرێ و وەرگرتنا پێرابوونان ل گەل مامۆسایێن رێژا قوتابیێن لاواز و هشیارکرنا سەمیانێن قوتابیان ژ بۆ دووڤچوون و هاریکاریا قوتابخانان و قوتابیان ژ بۆ چارەسەریا بلەز، ل گەل رێز و سوپاسیێن گەرم بۆ هەر پەروەردەکارەکێ دلسۆز و خودان هەلویست و بریار و وەلاپارێز.
