قوتابیەكا زانكۆیا زاخۆ پلەیا سێیێ د هەڤڕكیەكا ئابووری دا ب دەستڤە ئینا
دلۆڤان هالۆ:
د. رەمەزان جەعفەر، هاریكارێ سەرۆكێ زانكۆیا زاخۆ بۆ كاروبارێن قوتابیان، د دیدارەكێ دا بۆ رۆژنامەیا ئەڤرۆ دیاركر كو قونسلخانەیا كوریا ل هەرێما كوردستانێ، ب هەماهەنگی ل گەل رۆژنامەیا كوردستان كرۆنیكال و رێكخراوا كوردستان بۆ گەشەپێدانێ و هاڤینگەها شنگلبانە رابوون راگەهاندنا هەڤڕكیەكا زانستی یا تایبەت ب بۆارێ ئابووری ڤە بۆ قوتابیێن هەرێما كوردستانێ و ژ زانكۆیا زاخۆ قوتابی(سەمیە ئیبراهیم) ژ پشكا زمانێ ئنگلیزی، پشتی گۆتارا خوە بۆ وێ هەڤڕكیێ فرێكری ل سەرانسەری هەرێما كوردستانێ پرۆژەیێ وێ ل گەل یێن پێنج قوتابیێن دی بۆ وێ هەڤڕكیێ هاتنە هەلبژارتن و پرۆژەیێ قوتابیا مە ل ژێر ناڤێ (جورە جوریا كەرتێ ئابووری ل هەرێما كوردستانێ و ئەرێ كیژ كەرتی پترترین شیان و داهات هەیە؟) پلەیا سێیێ دوێ هەڤڕكیێ دا وەرگرت.
