573 قوتابی ل كۆلیژ و پهیمانگهها تهكنیكی یا ئاكرێ دهرچوون
ئهڤرۆ، سهباح زوهێر:
ل ژێرچاڤدێریا سهرۆكا زانكۆیا پولیتهكنیكی یا دهۆكێ د. ئاری عادل و ل ژێر درووشمێ (بهرهف پاشهرۆژهكا تهكنیكی یا سهردهم بۆ كوردستانهكا بهێز) دوهی ئاههنگا دهرچوونا كۆلیژ و پهیمانگهها تهكنیكی یا ئاكرێ و كۆلیژا ئینفورماتیك ل ئاكرێ هاته گێران و هژمارهكا قوتابیان دهرچوون.
ههژار ئیسماعیل، بهرپرسێ راگههاندنا كۆلیژ و پهیمانگهها تهكنیكی یا ئاكرێ بۆ ئهڤرۆ گۆت: “دوهی د رێورهسمهكێ دا ل دهڤهرداریا ئاكرێ ئاههنگا دهرچوونێ یا كۆلیژا تهكنیكی یا ئاكرێ گهرا شهشێ و پهیمانگهها تهكنیكی یا ئاكرێ گهرا (21)ێ و كۆلیژا ئینفورماتیك گهرا شهشێ یا سالا خواندنێ 2021 ــ 2022 هاته گێران و تێدا 573 قوتابی دهرچوون”.
گۆتژی: “وان 573 قوتابیان باوهرنامه د بیاڤێن جودا دا وهرگرتن”.
