قونسلێ فره‌نسا سه‌را ئامێدیێ دده‌ت
ئامێدیێ، مه‌حمود نهێلى
ب رێیا قونسلێ خوه‌یێ ل كوردستانێ فره‌نسا دێ پتر گرنگیێ ب ده‌ڤه‌را ئامێدیێ ده‌ت و چێدبیت ل داهاتى چه‌ندین كارێن باش ل ده‌ڤه‌رێ ئه‌نجام بده‌ت.
ئیسماعیل موحه‌مه‌د قایمقامێ قه‌زا ئامێدیێ بۆ ئه‌ڤرۆ نیوز دیاركر، كو دومنیك ماس كونسلێ فره‌نسا ل هه‌رێما كوردستانێ و شانده‌كى دگه‌ل دا دوهى 15/11/2016 سه‌را قه‌زا ئامێدیێ دایه و چه‌ندین ته‌وه‌رێن گرێدایى ب ژیانا خه‌لكى ڤه گرێدایى باس كرینه تایبه‌تى ژى پێكڤه ژیانا دناڤبه‌را هه‌موو ئاین و نه‌ته‌وه‌یان ل ده‌ڤه‌رێ.
و گۆت: ( كونسلێ فره‌نسا ل هه‌رێما كوردستانێ كو ب یاوه‌ریا مه‌تران ره‌بان مه‌ترانێ هه‌ولێرێ و ئامێدیێ سه‌را ده‌ڤه‌رێ دابوو، خوه‌شحالیا دیاركر، كو بۆ ئێكه‌م جاره سه‌را قه‌زا ئامێدیێ دده‌ت و ته‌كه‌زى ل سه‌ر باشیا ته‌ناهى و پێكڤه ژیانا دناڤبه‌را موسلمان و مه‌سیحیێن ده‌ڤه‌رێ نیشاندا ).
هه‌روه‌سا قایمقامێ قه‌زا ئامێدیێ ئاشكراكر، كو وى ل گه‌ل كونسلێ فره‌نسا گوتوبێژكرینه ل سه‌ر چاوانیا خورتكرنا په‌یوه‌ندیان و گرنگى دانا وه‌لاتێ فره‌نسا ب ده‌ڤه‌را ئامێدیێ و چاوانیا ئه‌نجامدانانا هند كاران ل ده‌ڤه‌رێ.
و خویاكر، كو وه‌ك هێمایه‌كى شوونه‌وارى وێ وى وێنه‌یه‌كێ باژێرێ ئامێدیێ پێشكێشى كونسلێ فره‌نسا كریه كو گه‌له‌ك ببوو جهێ خوه‌شحالى و گرنگیا وى.
