قووناغا دویێ ژ پڕۆژەیێ گەشتیاریێ چیایێ زاوا دێ هێتە بجهئینان
رێڤەبەرێ گشتیێ گەشتوگوزارا پارێزگەها دهۆكێ دیار كر، دەست بجهئینانا قووناغا دویێ یا پڕۆژەیێ گەشتیاریێ چیایێ زاوا دێ هێتە كرن.
د. خەیری عەلی، رێڤەبەرێ گشتیێ گەشتوگوزارا پارێزگەها دهۆكێ ئاشكرا كر، سەرێ چیایێ زاوا پڕۆژەكێ گەلەكێ مەزن یێ گەشتیارییە، ئەڤ پڕۆژە بوویە ئەگەر گەشتیار پتر قەستا دهۆكێ بكەن و گۆت: “نوكە قووناغا دویێ ژ پڕۆژەیێ گەشتیاریێ چیایێ زاوا دێ دەست پێكەت”.
د. خەیری گۆتژی: “ئەڤ قووناغە ژ چێكرنا ئۆتێل و مۆتێل و خوارنگەهـ و كافێتریا و گەلەك جهێن گرنگ یێن گەشتیاری پێكهاتیە و ل چیایێ زاوا دێ هێنە دروستكرن”.
