قۆناغا كۆمان دێ ب دەربازبوونا چار هەلبژارتیێن دی ب دووماهی هێت
شاهۆ فەرید:
بڕیارە ئەڤرۆ چار یاریێن دی ژ قۆناغا كۆمان یا گەڕا سێیێ دەربازبوون بەر ب قۆناغا 16ێ ژ چارچووڤەیێ قارەمانیا نەتەوەیێن ئۆرۆپا 2024ێ ئەوا نوكە هەڤڕكیێن وێ ل وەلاتێ ئەلمانیا دهێنە كرن، یاریێن كۆما پێنجێ دێ ل دەمژمێر حەفتی مەغرەب هێنەكرن و یاریێن كۆما شەشێ دی ل دەمژمێر 10ێ شەڤ هێنە ئەنجامدان.
كۆما پێنجێ: سلۆڤاكیا ـــــ رۆمانیا
كۆمەكا ب پێشبینییا بزەحمەتە ژبەركو هەرچار هەلبژارتی ب خالان هندی ئێكن كو هەر هەلبژارتیەكی سێ خال هەنە، دەربازبوون بۆ قۆناغا 16ێ بۆ هەمییان یا بەردەستە، یارییا ئێكێ یا ڤێ كۆمێ هەلبژاریێ سلۆڤاكیا خەونێن مەزن هەنە بۆ دەربازبوونێ بەرانبەر هەلبژارتیێ رۆمانیا، ئەوا دهێتە هژمارتن هەسپێ رەش و سەرێ لیستێ د كۆمێ دا دهێت.
ئۆكراین- بەلجیكا
یارییا دویێ یا پێشبینیێن ب زەحمەت بۆ دەربازبوونێ ، هەرچەندە ئۆكراین ل رێزا چارێ و دووماهیێ دهێت لێ هیڤیێن دەربازبوونێ بۆ وێ ژی بەردەستن، ژلایێ وخوەڤە هەلبژارتیێ بەلجیكی دێ دو جەنگا كەت ئێك بۆ سەرێ لیستێ و یا دویێ بۆ دەربازبوونێ بینت و وەكهەڤی و شكەستن چ خزمەتا وێ ناكەن.
كۆما شەشێ: جۆرجیا ـــ پۆرتوگال
هەرچەندە هەلبژارتیێ پۆرتۆگالی دەربازبوونا خوە بۆ قۆناغا 161 مسۆگەر كرییە، لێ دێ بزاڤێ كەت جهێ خوە پارێزیت و كاپتنێ تیمێ و ستێرێ بەرنیاس كریستیانۆ رۆنالدۆ بزاڤێ كەت دیرۆكەكێ ل سەر ناڤێ خوە تۆماربكەت، لێ هەلبژارتیێ جۆرجیا ژی هیڤیێن دەربازبوونێ هەنە و دێ شەڕێ سەركەفتنێ كەت، سەرباری ئەركێ وێ ب سانەهی نابیت بەرانبەر تیمەكێ ب كۆمەكا ستێرێن جیهانی دناڤ دانە.
توركیا ــ چێك
یاریا دویێ ژ ڤێ كۆمێ هەلبژارتیێ توركیا دێ ب هیڤێن مەزن و شەڕێ دووماهیێ هێتە دناڤ یاریگەهێ دا و بزاڤێ كەت ئاستەنگا چیكێ لابدەت لێ دبیت ئەركێ وێ ب زەحمەت بیت و باشترینا سێیێ ژی دەربازنەبیت هەكە هات تووشی خوسارەتیێ بوو بەرانبەر چیكێ و جورجیا سەركەفتن ل سەر پۆرتوگالێ ئینا.
