قۆنسلخانا ئیرانێ بھایێ فیزێ بۆ وەلاتیێن ھەرێمێ دیار دکەت
ئەڤرۆ نيوز:
قۆنسلخانا گشتی یا کۆمارا ئیرانێ ل ھەولێرێ رێنمایێن نوو بۆ دانا ڤیزێ بۆ وەلاتیێن ھەرێمێ دیار دکەت، ل دووڤ رێنمایان بھایێ دانا ڤیزێ دێ د ناڤبەرا (42) دۆلار ھەتا (135) دۆلاران دا بیت، و ب دیتنا بەرپرسێ فەرمانگەھا پەریوەندیێن دەرڤەی ھەرێمێ ئەڤ بھایە دێ وەلاتیێن ھەرێمێ دلگران کەت.
ل دووڤ نڤیسارا دو ھزار 439 کو ل 25ی نیسانێ ھاتیە دەرکرن و ئیمزاریا فەلاح مستەفا، بەرپرسێ فەرمانگەھا پەیوەندیێن ژ دەرڤەی ھەرێما کوردستانێ ل سەرە بھایێ فیزێ دیار کریە.
ل دووڤ وێ نڤیسارێ ھاتیە کو بھایێ فیزا ئیرانێ دێ ب رەنگەکی بیت کو ڤیزا ب لەز د ھەمان رۆژ دا ل دانێ سپێدێ ب بھایێ 63 دۆلاران دێ ھێتەدان و ھەکە د ھەمان رۆژا دا ل دانێ ئێڤاری بیت دێ ب بھایێ 42 دۆلاران ھێتەدان، بەلێ ھەکە ڤیزا چەند جاری بیت دێ ب بھایێ 135 دۆلاران ھێتەدان.
