قۆنسلێ وه‌لاتێ چیك سه‌را جهێن گوزاری ل ده‌ڤه‌را ئامێدیێ دا
ئامێدیێ، مه‌حمود نهێلی:
ده‌ڤه‌ردارێ ئامێدیێ بو رۆژناما ئه‌ڤرۆ دیار كر، كاریل كورانیك، قۆنسلێ وه‌لاتێ چیك و شانده‌كی قۆنسلگه‌ریا وی وه‌لاتی ل هه‌رێما كوردستانێ سه‌را ده‌ڤه‌را ئامێدیێ دا و ژلایێ وان ڤه هاته پێشوازی كرن.
وارشین سه‌لمان، ده‌ڤه‌ردارێ ئامێدیێ دیار ژی كر، هه‌ر د سه‌ره‌دانا خوه دا ژ بۆ پتر نێزیك بوون ل سه‌ر ره‌وشا دڤه‌رێ قۆنسلێ چیك سه‌را چه‌ندین جهێن گوزاری یێن ده‌ڤه‌را ئامێدیێ دا، ژ وان ژی كۆمه‌لگه‌ها ئاڤا شین ل گه‌لیێ شێرانه، كو پتر هه‌موو جهان ببوو جهێ سه‌رنجراكێشانا شاندێ ناڤهاتی.
ده‌ڤه‌ردارێ ئامێدیێ دیار ژی كر كو مه‌ره‌م ژ سه‌ره‌دانا شاندێ قۆنسلگه‌ریا وه‌لاتێ چیك پتر نێزیك بوون بوویه ل سه‌ر ره‌وشا ده‌ڤه‌رێ.
